მედიის პროფესიული კავშირი დაფუძნდა [Audio]

გაერთიანებული პროფკავშირის ბაზაზე საქართველოში მედიის პროფესიული კავშირი დაფუძნდა.

GMTU საქართველოს მედიის პროფესიული გაერთიანებაა, რომელიც ჟურნალისტების, ოპერატორების, მემონტაჟეების, ფოტოგრაფებისა და მედიაში დასაქმებული პერსონალის უფლებებს დაიცავს. კავშირს საზოგადოებრივი მაუწყებლის პირველადი პროფესიული ორგანიზაციის ლიდერები ხელმძღვანელობენ. მედიის პროფკავშირის გაერთიანების თავმჯდომარედ „მოამბის“ ჟურნალისტი ლაშა მესხი აირჩიეს, ხოლო საპატიო თავმჯდომარედ, ოპერატორი კახაბერ ჯანაშვილი.

მათ მედიაში დასაქმებულებს საკუთარი უფლებების დასაცავად კავშირში გაერთიანებისკენ მოუწოდეს. „ჩემთვის დიდი პატივი და უფრო დიდი გამოწვევაა ამ საპასუხისმგებლო პოზიციაზე არჩევა. ვფიქრობ, რომ ქართულ მედიაში დასაქმებულის უფლებები დღემდე უმოწყალოდ ირღვევა. სწორედ ამიტომ გავერთიანდით ჟურნალისტები, ოპერატორები, მემონტაჟეები და მედიაში დასაქმებული ადამიანები. ჩვენი მიზანია ერთმანეთის გვერდით დგომა. დღევანდელი დღე კიდევ ერთი წინ გადადგმული ნაბიჯია არა მხოლოდ პროფესიული კავშირისთვის არამედ ქვეყნისთვის, რადგან ევროპის ქვეყნებში პროფკავშირული მოძრაობები წარმატებული და მისაბაძია.

ჩვენი ორგანიზაციის სიძლიერე ავტომატურად ნიშნავს ქართული მედიის წარმატებასა და თავისუფლებას!“-განაცხადა პროფკავშირების თვმჯდომარემ

მსგავსი პოსტები

Back to top button