გიორგი ჩაკვეტაძის ტრანსფერი მეორე ბუნდესლიგის ჰამბურგში

საქართველოს ნაკრების შემტევმა ნახევარმცველმა გიორგი ჩაკვეტაძემ ბელგიური გენტი დატოვა და გერმანულ ჰამბურგში გააგრძელებს კარიერას.

მეორე დივიზიონის კლუბმა 22 წლის ქართველის ტრანსფერი ოფიციალურად უკვე დაადასტურა.

როგორც გუნდის ადმინისტრაცია აცხადებს,ჩაკვეტაძე ჰამბურგს იჯარით შეუერთდა და იქ 2022 წლის 30 ივნისამდე,ანუ სეზონის დასრულებამდე დარჩება.

ჰამბურგი დიდი ისტორიის მქონე გუნდია,თუმცა ახლა კრიზისშია და მეორე ბუნდესლიგაში,20 ტურის შემდეგ მეხუთე პოზიციაზეა.

ასე,რომ ჰამბურგი ელიტარულ ლიგაში დასაბრუნებლად ბრძოლას ქართველ გიორგი ჩაკვეტაძესთან ერთად გააგრძელებს.