პანდემია დასასრულს უახლოვდება
ჯანდაცვის მინისტრის ზურაბ აზარაშვილის განცხადებით, კორონავირუსის პანდემია დასასრულს უახლოვდება.
როგორც მინისტრმა აღნიშნა, მნიშვნელოვნად არის შემცირებული ჰოსპიტალიზაციის შემთხვევები, ყოველდღიური ინფიცირების და სიკვდილიანობის მაჩვენებელი.
მისივე განცხადებით იმ აფთიაქების რაოდენობა გაიზრდება, სადაც თურქეთიდან შემოტანილი დაბალფასიანი მედიკამენტები ხელმისაწვდომი იქნება.
ქვეყანაში თურქეთიდან, ამ დროისთვის, 50-მდე დასახელების წამალია შემოტანილი.
ჯანდაცვის მინისტრის თქმითვე აქართველოში კორონავირუსის საწინააღმდეგო ვაქცინის, „ფაიზერის“ ახალი დოზები მიმდინარე კვირაში შემოვა.
თუმცა მისივე განცხადებით, ქვეყანაში „ფაიზერის“ რამდენიმე ათასი ვაქცინა გამოუყენებელი დარჩა, რომელსაც ვადა თვის ბოლოს ეწურება.
ასევე კორონავირუსის სამკურნალო სპეციალური პრეპარატი „პაქსლოვიდი“ საქართველოში ამ კვირაში შემოვა.
როგორც მან უწყებათაშორისი საკოორდინაციო საბჭოს სხდომის შემდეგ განაცხადა, პრეპარატი უფასოდ დაურიგდებათ მათ, ვისაც ქრონიკული დაავადებები და მძიმედ მიმდინარე კორონავირუსი აქვთ.
უწყებათაშორისი საკოორდინაციო საბჭოს გადაწყვეტილებით, კორონავირუსთან დაკავშირებით არსებული ყველა შეზღუდვა, გარდა ტრანსპორტსა და დახურულ სივრცეში პირბადის ტარების ვალდებულებისა, უქმდება.
მათ შორის, უქმდება რაოდენობრივი შეზღუდვა როგორც საზოგადოებრივი კვების ობიექტებზე, ასევე სპორტულ, სახელოვნებო თუ სხვა სახის ღონისძიებებზე. ასევე აღარ იმოქმედებს თვითიზოლაციის ვალდებულება პირებისთვის, ვინც ქვეყანაში „პისიარ“ ტესტის გარეშე ბრუნდება.
კორონავირუსის ვაქცინაციის წახალისების პროგრამა აპრილის თვეშიც გრძელდება
200-ლარიან ერთჯერად დანამატს ავტომატურად 50 წლის და მეტი ასაკის ყველა ის მოქალაქე მიიღებს, ვინც კორონავირუსის საწინააღმდეგო ვაქცინას გაიკეთებს.
ამასთან, ამავე ასაკობრივი ჯგუფის პირები 100 ლარიან დანამატს „ბუსტერ დოზის“ გაკეთების შემთხვევაში მიიღებენ.
კორონავირუსი ისეთი ვერაგი ვირუსი აღმოჩნდა, რომ სიურპრიზებს უმზადებს კაცობრიობას, რომლის წინასწარ განჭვრეტა ადვილი არ არის,
როგორც გამყრელიძემ აღნიშნა, ქვეყანაში ეპიდვითარება დასტაბილურებულა, თუმცა, მოსახლეობამ სიფრთხილე მაინც უნდა გამოიჩინოს.
დაავადებათა კონტროლის ეროვნული ცენტრის ხელმძღვანელის, ამირან გამყრელიძის განმარტებით, სკოლებში სასწავლო პროცესი კვლავ ჰიბრიდული მეთოდით გაგრძელდება.
მისივე თქმით, სკოლის ან კლასის დისტანციურ მოდელზე გადასვლის გადაწყვეტილება ეპიდემიოლოგებთან კონსულტაციის შედეგად მიიღება.
საკოორდინაციო საბჭოდან ხმა
