შვედეთში 5000-მდე უკრაინელი ჯარისკაცის წვრთნა ფარულად მიმდინარეობდა
იტალია გადაამზადებს უკრაინელ ახალწვლეულებს
მედიის ცნობით, შვედეთში 5000-მდე უკრაინელი ჯარისკაცის წვრთნა ფარულად მიმდინარეობდა. უკრაინული ბრიგადა, რომელიც 3000-დან 5000-მდე ჯარისკაცს შეადგენს, შვედეთში წვრთნებს თანამედროვე დასავლური ტექნოლოგიებით გადიოდა. ამის შესახებ ინფორმაციას „თაიმსი“ შვედურ საზოგადოებრივ მაუწყებელზე დაყრდნობით ავრცელებს.
მათი ცნობით, ბრიგადა აღჭურვილია „ლეოპარდ 2“-ის ტიპის ტანკებით, ასევე CV90-ის ტიპის საბრძოლო მანქანებითა და Archer-ის საარტილერიო სისტემებით, რაც მას უკრაინის შეიარაღებული ძალების ერთ-ერთ ძლიერ დანაყოფად აქცევს.
აღნიშნულ ინფორმაციაზე ოფიციალურ კომენტარს შვედეთის თავდაცვის ძალებში ჯერჯერობით არ აკეთებენ.
იტალია გადაამზადებს უკრაინელ ახალწვლეულებს იტალიის სკოლებსა და სამხედრო ობიექტებში, ასევე მიიღებს მონაწილეობას ევროკავშირ-უკრაინის სასწავლო პროგრამებში ბრიუსელში, პოლონეთსა და გერმანიაში.
ამის შესახებ იტალიის თავდაცვის მინისტრმა, გვიდო კროზეტომ განაცხადა.
შეგახსენებთ, ევროკავშირის უმაღლესმა წარმომადგენელმა ჯოზეფ ბორელმა 21 აპრილს განაცხადა, რომ 16 000-ზე მეტმა უკრაინელმა სამხედრო მოსამსახურემ უკვე გაიარა წვრთნა ევროკავშირის სასწავლო მისიის ფარგლებში.
ამასთან, ბორელმა ისაუბრა უკრაინაში 600 მილიონი ევროს ღირებულების საბრძოლო მასალისა და რაკეტების მიწოდების შესახებ.
