მნიშვნელოვანისიახლეები

საქართველოს პრეზიდენტი გერმანიის პრეზიდენტს შეხვდა

საქართველოს პრეზიდენტი სალომე ზურაბიშვილი, გერმანიაში ვიზიტის ფარგლებში, გერმანიის პრეზიდენტს, ფრანკ-ვალტერ შტაინმაიერს შეხვდა.

შტაინამერთან შეხვედრის ამსახველი ფოტო სალომე ზურაბიშვილმა თავდაპირველად სოციალურ ქსელ „ფეისბუქის“ პირად გვერდზე გამოაქვეყნა, თუმცა მოგვიანებით ფოტო წაიშალა. მასალა ამჟამად მხოლოდ სალომე ზურაბიშვილის „ფეისბუქის“ ე.წ. სთორიზე და „ინსტაგრამზე“ იძებნება.

საქართველოს პრეზიდენტის ადმინისტრაციას ფრანკ-ვალტერ შტაინმაიერთან სალომე ზურაბიშვილის შეხვედრის შესახებ ჯერ ოფიციალური ინფორმაცია არ გამოუქვეყნებია.

30 აგვისტოს პრეზიდენტის ადმინისტრაციამ გაავრცელა ინფორმაცია, რომლის მიხედვითაც, სალომე ზურაბიშვილი 31 აგვისტოდან ევროპელ ლიდერებთან შეხვედრებს იწყებდა.

პრეზიდენტის ადმინისტრაციაში განაცხადეს, რომ შეხვედრები კანდიდატის სტატუსს უკავშირდება. მოგვიანებით საქართველოს მთავრობამ სალომე ზურაბიშვილისთვის სამუშაო ვიზიტებზე უარის თქმასთან დაკავშირებით გაავრცელა განცხადება. როგორც განცხადებაშია ნათქვამი, სალომე ზურაბიშვილს საქართველოს მთავრობის განკარგულებით, 2023 წლის 3 აგვისტოს ოფიციალურად, წერილობით ეთქვა უარი გერმანიაში ვიზიტზე. ასევე, განცხადებაში საუბარია სხვა სამუშაო ვიზიტებთან დაკავშირებითაც, რომლებზეც პრეზიდენტს უარი ეთქვა.
ცნობისთვის პრეზიდენტს უარს ეუბნებოდნენ უკრაინაში, გერმანიაში, პოლონეთში, შვეიცარიაში, ბელგიაში, დანიაში, არაბთა საამიროებში, ისრაელში, ბულგარეთსა და ჩეხეთში ვიზიტებზე.

მთავრობა განმარტავს, რომ ქვეყნის კონსტიტუციის მიხედვით, “საგარეო პოლიტიკის განხორციელება საქართველოს მთავრობის უფლებამოსილებაა” და “საქართველოს პრეზიდენტი მხოლოდ საქართველოს მთავრობის თანხმობით ახორციელებს წარმომადგენლობით უფლებამოსილებებს საგარეო ურთიერთობებში”.

აღნიშნულ საკითხთან დაკავშირებით დღეს „ქართულ ოცნებაში“ გაკეთდა კომენტარი. მმართველ გუნდში აღნიშნეს, რომ პრეზიდენტმა უხეშად დაარღვია საქართველოს კონსტიტუცია, რაზეც საჭიროა რეაგირება.
ცნობისთვის, მთავრობის ადმინისტრაციამ პრეზიდენტ სალომე ზურაბიშვილის უცხოეთში ვიზიტის საკითხზე განცხადება გაავრცელა, სადაც ნათქვამია, რომ როგორც გერმანიაში, ასევე კიდევ 10 ქვეყანაში ვიზიტზე სალომე ზურაბიშვილს უარი ეთქვა.

საქართველოს პრეზიდენტი ხვალ შარლ მიშელს შეხვდება

მსგავსი პოსტები

Back to top button