მუშების აქცია ყვარელში
საპროტესტო აქცია გამართეს და კუთვნილი ხელფასი მოითხოვეს მუშებმა ყვარლის მუნიციპალიტეტში.
მუშები, რომლებმაც სტიქიის დროს დაზიანებული სახურავები გადახურეს, განაცხადეს, რომ კომპანია “დაგი” ფინანსურ ვალდებულებას არ ასრულებს და ათასობით ლარი მისაღები აქვთ.
ყვარლის მუნიციპალიტეტის გამგეობაში კი აცხადებენ, რომ შესრულებული სამუშაოების შესახებ სამხარაულის ბიუროს ექსპერტიზის დასკვნას ელოდებიან და მუშებს თანხა ეტაპობრივად ჩაერიცხებათ. თავად კომპანიაში ირწმუნებიან, რომ დავალიანების გადახდას უახლოეს დროში შეძლებენ.
ანალოგიური მოთხოვნით აქცია რამდენიმე კვირის წინ ლაგოდეხშიც გამართა. სტიქიამ ყვარლისა და ლაგოდეხის რაიონები აგვისტოს თვეში დააზარალა.
