ორნელა მუტი რუსეთში დასახლდა [Video]
ცნობილი იტალიელი მსახიობი, ორნელა მუტი საცხოვრებლად მოსკოვში გადავიდა. იტალიური მასმედიის ინფორმაციით, მსახიობს რუსი ოლიგარქი შეუყვარდა, რომლის ვინაობა საიდუმლოდ ინახება.
ცნობილი გახდა, რომ 61 წლის მუტიმ მოსკოვის ცენტრში, მაცხოვრის საკათედრო ტაძრის მახლობლად სამოთახიანი ბინა შეიძინა და თავისი გემოვნებით მოაწყო.
როგორც იტალიური პრესა აღნიშნავს, მსახიობი მოსკოვს ხშირად სტუმრობს. ამის გარდა, რუსეთში ხშირი ვიზიტების გამო მუტი თაღლითობის ისტორიაში გაეხვა და მას დაპატიმრება ემუქრება. 2010 წელს მსახიობი ქალაქ პორდენონეში სპექტაკლზე არ გამოცხადდა, სადაც მთავარი როლი უნდა შეესრულებინა. მან თეატრის ადმინისტრაციას ყალბი ჯანმრთელობის ცნობა წარუდგინა. როგორც მოგვიანებით გაირკვა, იმ დროს მუტი მოსკოვში, რუსეთის პრეზიდენტის კომპანიაში იმყოფებოდა.
