მზადება აქციისთვის-ნამოხვანჰესიის მოწინააღმდეგეები ფოთში ჩავიდნენ
ფოთში, ,,ნამოხვანჰესის“ მშენებლობის მოწინააღმდეგეთა აქციის ორგანიზატორები იმყოფებოდნენ.”რიონის მცველებმა“ საინფორმაციო ხასიათის შეხვედრა გამართეს. მათ ისაუბრეს იმის შესახებ, თუ რატომ არიან ,,ნამახვაჰესის“ აშენების წინააღმდეგნი.
ვარლამ გოლეთიანის განცხადებით, არსებული პრობლემა ხალხის სასრგებლოდ უნდა გადაწყდეს.მან ფოთელებს 23 მაისს თბილისში დაგეგმილ მასშტაბურ აქციაში მონაწილეობისკენ მოუწოდა.
„მას შემდეგ რაც დაგვირბიეს კარვები ნამოხვანში და გუმათშიც, სხვადასვა რაიონებიდან და ქალაქებიდან ადამიანები ღამეს ათევენ.მათი სურვილი იყო, რომ თავიანთ ქალაქებსა და რაიონებში მომხდარიყო საინფორმაციო შეხვედრები, რადგან ყველა ამბობს, რომ ინფორმაცია რთულად მიდის ადამიანებამდე. ანუ იციან, რომ რაღაც პრობლემა არის, მაგრამ საკითხი საფუძვლიანად არ იციან, რადგან კომუნიკაციის პრობლემა არსებობს.
23-ში გვაქვს დაგეგმილი თბილისში გადამწყვეტი აქცია. ხელისუფლებას უნდა ვაჩვენოთ ძალა, რომელიც არის ხალხში. და ძალა რომელმაც უნდა გადაწყვიტოს ხალხის სასარგებლოდ ეს პრობლემა.არ გავრჩერდებით მანამ, ვიდრე არ მივაღწევთ შედეგს და ჩვენი ყველა მოთხოვნა არ დაკმაყოფილდება. გვაქვს ალტერნატიული გეგმები, რის გაჟღერებასაც ვგეგმავთ 23-ში.ვართ უკომპრისოები , იქ ველოდებით ყველას და ჩვენი ერთობით უნდა ვაჩვენოთ ხელისუფლებას ძალა, რომელასაც ვერ დაძლევს ვერცერთ შემთხვევაში. დაველოდოთ მოვლენების განვითარებას“ -განაცხადა რიონის მცველმა, ვარლამ გოლეთიანმა.
მსგავსი ტიპის შეხვედრებს ,,რიონის მცველები“ საქართველოს სხვა რეგიონებშიც გეგმავენ.
