პრეზიდენტი რეალითი შოუს პროდიუსერობას შეითავსებს [Video]
აშშ-ის ახლადარჩეული პრეზიდენტი, დონალდ ტრამპი NBC-ის ტელეარხზე პოპულარული რეალითი შოუს – The Celebrity Apprentice აღმასრულებელი პროდიუსერი იქნება. ინფორმაციას ჟურნალი Variety ავრცელებს.
გამოცემის ინფორმაციით, ტრამპის პროდიუსერად დანიშვნის შესახებ ჰოლივუდის კინოსტუდია Metro-Goldwyn-Mayer Pictures-ის ოფიციალურმა წარმომადგენლებმა განაცხადეს, რომლებიც აღნიშნული გადაცემის მომზადებით არიან დაკავებულნი.
ცნობილი გახდა, რომ პრეზიდენტის, როგორც პროდიუსერის ხელფასი $100 ათასი იქნება.
ტრამპი The Celebrity Apprentice-ს წამყვანი 2008-დან 2015 წლამდე იყო, მაგრამ გასული წლის ზაფხულში ტელეარხმა მასთან კონტრაქტი გაწყვიტა. მაშინ შოუმენმა პირდაპირ ეთერში მექსიკელი მიგრანტების შესახებ სკანდალური განცხადება გააკეთა. ამის შემდეგ პროგრამა ეთერში აღარ გაასულა.
პროგრამის გამოშვება 2017 წლის 2 იანვრიდან განახლდება. მე-15 სეზონის წამყვანი ჰოლივუდის მსახიობი და კალიფორნიის ყოფილი გუბერნატორი არნოლდ შვარცენეგერი იქნება.
ტელეშოუ The Celebrity Apprentice-ში მონაწილეობას იღებენ ცნობილი ადამიანები, რომლების საქველმოქმედო ორგანიზაციებისთვის თანხებს აგროვებენ.
