ზელენსკისა და პუტინის შეხვედრისთვის ამჟამად წინაპირობები არ არსებობს
კრემლის პრესსპიკერი დიმიტრი პესკოვი ამბობს, რომ ვოლოდიმირ ზელენსკისა და ვლადიმერ პუტინის შეხვედრისთვის ამჟამად წინაპირობები არ არსებობს.
სამშვიდობო მოლაპარაკებების შუამავლობის შესახებ თურქეთის პრეზიდენტის, რეჯეფ თაიფ ერდოღანის შეთავაზებებზე კომენტირებისას დიმიტრი პესკოვმა განაცხადა, რომ რუსეთისა და უკრაინის პრეზიდენტებს, ვლადიმერ პუტინსა და ვოლოდიმირ ზელენსკის შორის შეხვედრა მხოლოდ მას შემდეგ შეძლებდნენ შეხვედრას, როცა ორივე მხარის მომლაპარაკებელები „საშინაო დავალება შეასრულებენ“.
“უკრაინის დელეგაცია რადარებიდან გაქრა, ახლა მოლაპარაკების პროცესი არ მიმდინარეობს. რაც შეეხება პრეზიდენტების – პუტინისა და ზელენსკის შეხვედრას, ეს შესაძლებელია მხოლოდ მას შემდეგ, რაც უკრაინისა და რუსეთის დელეგაცია საშინაო დავალებებს შეასრულებენ. ეს ჯერ არ მომხდარა, ამიტომ შეხვედრისთვის საჭირო წინაპირობები არ არსებობს”, – ამბობს პესკოვი.
მოლაპარაკება კიევსა და მოსკოვს შორის შეჩერდა თვეების წინ, რაშიც ორივე მხარე ერთმანეთს ადანაშაულებს.