მნიშვნელოვანისაქართველოსიახლეები

ვირუსის შემთხვევაში სკოლებზე კვლავ წერტილოვანი შეზღუდვები გავრცელდება

მას შემდეგ, რაც სკოლებში სასწავლო პროცესი საკლასო ოთახებში განახლდა, მშობელთა მოთხოვნის ან კორონავირუსის შემთხვევის გამოვლენის საფუძველზე, საქართველოს მასშტაბით, სრულად დისტანციურ რეჟიმზე მიმდინარე კვირაში სრულად 11 სკოლა და 109 ცალკეული კლასი გადავიდა.

განათლების სამინისტროში აცხადებენ, რომ მასწავლებელთა და სკოლის ადმინისტრაციულ პერსონალთა სავალდებულო ტესტირება საქართველოს მასშტაბით უწყვეტ რეჟიმში გრძელდება. ამავდროულად, სამინისტროს პირველი პირებისა და ადგილობრივი რესურსცენტრების მხრიდან სკოლების მონიტორინგი ასევე უწყვეტად მიმდინარეობს.

უწყების ცნობით, ზოგადსაგანმანათლებლო დაწესებულებებისთვის დამტკიცდა რეკომენდაციების შესრულების მონიტორინგის ახალი ფორმა. სკოლებში გარემოს მონიტორინგი კოვიდპანდემიის პერიოდში, სწორედ ამ ფორმით ხდება. კერძოდ, პროცესში საგანმანათლებლო რესურსცენტებთან ერთად, ჩართულები იქნებიან სკოლამდელი, ზოგადი განათლებისა და ადმინისტრაციის დეპარტამენტის თანამშრომლები.

განათლების სამინისტროში ამბობენ, რომ ვირუსის გამოვლენის შემთხვევებში სკოლებზე კვლავ წერტილოვანი შეზღუდვები გავრცელდება

მსგავსი პოსტები

Back to top button