ილია ჯიშკარიანს აღკვეთის ღონისძიების სახით 10 000-ლარიანი გირაო შეეფარდა
ილია ჯიშკარიანს აღკვეთის ღონისძიების სახით 10 000-ლარიანი გირაო შეეფარდა. გადაწყვეტილება მოსამართლე არსენ კალატოზიშვილმა მიიღო. გირაოსთან ერთად, საკრებულოს დეპუტატს შემზღუდავი ღონისძიებებიც დაეკისრა.
ილია ჯიშკარიანს აეკრძალა სასამართლოს საბოლოო გადაწყვეტილებამდე მსხვერპლთან მიახლოვება. ასევე, მას სპეციალური ნებართვის გარეშე საქმეზე დაკითხულ მოწმეებთან კომუნიკაცია აკრძალული აქვს. სასამართლო პროცესი სამედიცინო დაწესებულებაში გაიმართა. გირაოს შეფარდების შუამდგომლობა ბრალდების მხარემ დააყენა.
თამთა თოდაძის ადვოკატი, თამარ ლუკავა აღკვეთის ღონისძიების სახით პატიმრობას ითხოვდა.
ისნის მაჟორიტარ დეპუტატ ილია ჯიშკარიანს ბრალი, საკრებულოს თანამშრომლის – თამთა თოდაძის მიმართ სექსუალური შევიწროებისა და ძალადობის ფაქტზე წარუდგინეს.
სისხლის სამართლის საქმე თბილისის საკრებულოს დეპუტატის მიმართ ორი მუხლითაა აღძრული.
