მნიშვნელოვანირეგიონი
კახეთში ენერგო-პრო ჯორჯიას” თანამშრომელი უბედურ შემთხვევას ემსხვერპლა
დედოფლისწყაროს მუნიციპალიტეტის სოფელ ოზაანის მკვიდრი, “ენერგო-პრო ჯორჯიას” თანამშრომელი, შალვა ხატიაშვილი უბედურ შემთხვევას ემსხვერპლა.
შემთხვევა საჩხერეში მოხდა, კახეთის რეგიონიდან კომპანიის 4 თანამშრომელი სამსახურებრივი მივლინებით გაგზავნეს.
ჯგუფის წევრები სტიქიის შედეგად არსებული დაზიანებების აღმოსაფხვრელად მუშაობდნენ.
სამსახურებრივი მოვალეობის შესრულების დროს ელექტრო-ბოძი გადატყდა და 48 წლის შალვა ხატიაშვილი სიმაღლიდან ჩამოვარდა.
მამაკაცი ადგილზე გარდაიცვალა. გარდაცვლილს მეუღლე და სამი შვილი დარჩა.
6 თებერვლის სტიქიის შედეგების აღმოსაფხვრელად, “ენერგო-პრო ჯორჯიამ” ტექნიკური სამსახურის დამატებითი ბრიგადები საჩხერეში, მცხეთა-მთინეთიდან ქვემო ქართლიდან, კახეთიდან და სამცხე-ჯავახეთიდან გაგზავნა.
