მნიშვნელოვანიმსოფლიოსიახლეები

ირაკლი კობახიძემ ნიკოლ ფაშინიანისგან მიიღო მიწვევა-ირაკლი კობახიძე სომხეთის რესპუბლიკის პრემიერ-მინისტრს ტელეფონით ესაუბრა

საქართველოს პრემიერ-მინისტრი ირაკლი კობახიძე სომხეთის რესპუბლიკის პრემიერ-მინისტრს, ნიკოლ ფაშინიანს ტელეფონით ესაუბრა.
საქართველოს მთავრობის ადმინისტრაციის განცხადებით, პრემიერ-მინისტრმა, ირაკლი კობახიძემ ნიკოლ ფაშინიანისგან მიიღო მიწვევა, რომ უახლოეს მომავალში დაიგეგმოს მისი ვიზიტი სომხეთში. უწყების ცნობით, ფაშინიანმა და კობახიძემ ტელეფონით ისაუბრეს და ამავე საუბრისას სომხეთის ლიდერმა ქართველ კოლეგას პრემიერ მინისტრის თანამდებობაზე დანიშვნა მიულოცა.

მთავრობის ადმინისტრაციის განცხადებაში ნათქვამია, რომ სატელეფონო საუბრისას მხარეებმა ორი ქვეყნის სტრატეგიული პარტნიორობის განმტკიცებისა და გაძლიერების პერსპექტივები მიმოიხილეს და სავაჭრო-ეკონომიკურ, სატრანსპორტო, ლოგისტიკისა და კულტურის სფეროებში არსებული თანამშრომლობა შეაჯამეს.

გარდა ამისა, უწყება აცხადებს, რომ საქართველოსა და სომხეთის პრემიერ-მინისტრებმა, ასევე ისაუბრეს რეგიონალური უსაფრთხოების საკითხებზე. ხაზი გაესვა სამხრეთ კავკასიის რეგიონში მშვიდობისა და სტაბილურობის მნიშვნელობას.

აღნიშნულის შესახებ ინფორმაციას საქართველოს მთავრობის ადმინისტრაციის პრესსამსახური ავრცელებს.

„საქართველოსა და სომხეთის რესპუბლიკის პრემიერ-მინისტრებმა ასევე ისაუბრეს რეგიონული უსაფრთხოების საკითხებზე. ხაზი გაესვა სამხრეთ კავკასიის რეგიონში მშვიდობისა და სტაბილურობის მნიშვნელობას. საქართველოს პრემიერ-მინისტრმა ნიკოლ ფაშინიანისაგან მიიღო მიწვევა, რომ უახლოეს მომავალში დაიგეგმოს მისი ვიზიტი სომხეთის რესპუბლიკაში“, – აღნიშნულია ინფორმაციაში.

მსგავსი პოსტები

Back to top button