მნიშვნელოვანიმსოფლიოსიახლეები

რუსულმა ძალებმა წუხელ დნეპროპეტროვსკის ოლქის სამი თემი დაბომბეს

რუსების მიერ ანექსირებულ სევასტოპოლში აფეთქებების ხმა ისმის

რუსულმა ძალებმა წუხელ დნეპროპეტროვსკის ოლქის სამი თემი – ნიკოპოლი, მარგანეცი და მიროვსკოე დაბომბეს, – ამის შესახებ დნეპროპეტროვსკის საოლქო-სამხედრო ადმინისტრაციის ხელმძღვანელი, ვალენტინ რეზნიჩენკო „ტელეგრამში“ წერს.

“ყველაზე მეტად ნიკოპოლი დაზარალდა, დაშავებულია 39 წლის მამაკაცი, ის საავადმყოფოშია გადაყვანილი”, – წერს რეზნიჩენკო.

მისივე ინფორმაციით, ქალაქში 8 მრავალსართულიანი და კერძო სახლები, რამდენიმე მაღაზია, ავეჯის ქარხანა, სასტუმრო, ავტობუსის გაჩერება, გაზსადენი და ელექტრო ქსელები დაზიანდა.

უკრაინული მედიის ინფორმაციით, რუსების მიერ ანექსირებულ სევასტოპოლში აფეთქებების ხმა ისმის.

როგორც მედია წერს, გავრცელებული ინფორმაციით, „ოკუპანტებმა უპილოტო საფრენი აპარატები მოიგერიეს“.

„შავი ზღვის ფლოტის ხომალდები უპილოტო საფრენი აპარატების იერიშებს იგერიებენ. ქალაქში არც ერთი ობიექტი არ დაზარალებულა“, – ნათქვამია რუსული მედიით გავრცელებულ განცხადებებში.

უკრაინული მედიის ცნობით, იერიშების გამო ჩაიკეტა ყურე. საქალაქთაშორისო გადაადგილება მხოლოდ ავტობუსებით არის შესაძლებელი.

მსგავსი პოსტები

Back to top button