აშშ-ს პოლიციამ მაგნატის მკვლელობაში ეჭვმიტანილი დააკავა

ვაშინგტონის პოლიციამ, სავას სავოპულოსის და მისი ოჯახის მკვლელობაში ეჭვმიტანილი, დერონ დაილონ უინტი დააკავა.

34 წლის ფერადკანიანი უინტი, რომელიც გაიანაში დაიბადა, 2001 წელს ამერიკაში გადასახლდა და მკვლელობამდე რამდენიმე თვით ადრე, მაგნატის დამხმარედ და მძღოლად მუშაობდა.

დაკავებისას, ეჭვმიტანილის  მანქანაში 10 ათასი დოლარი იპოვეს. სავარაუდოდ, უინტს სავოპულოსის ოჯახი მძევლად ჰყავდა აყვანილი და ფულის გამოძალვის მიზნით, აშანტაჟებდა.

შეგახსენებთ: 18 მაისს, ვაშინგტონის პრესტიჟულ რაიონში, ყველაზე რეზონანსული მკვლელობა მოხდა.

ამერიკის უმსხვილესი სამშენებლო კომპანია American Iron Works-ის უფროსი – 46 წლის სავას სავოპოლუსი, მისი მეუღლე, 47 წლის ემი სავოპოლუსი, მათი ათი წლის ვაჟი ფილიპი და 57 წლის შინამოსამსახურე ქალბატონი, გარდაცვლილები იპოვეს.

ბოროტმოქმედები სახლს გადაწვას უპირებდნენ. სამაშველოდ იქ მისულმა მეხანძრეებმა, ოთხი გვამი იპოვეს, რომლებსაც დანით ან ბლაგვი საგნით მიყენებული ჭრილობები აღენიშნებოდათ. წყვილს კიდევ ორი ქალიშვილი ჰყავდა, რომლებიც მკვლელობის დროს, სკოლა-პანსიონში იმყოფებოდნენ.

მოკლულთა ოჯახის ძვირადღირებული სახლი, რომელიც 4,5 მილიონ  დოლარად არის შეფასებული, აშშ-ს ვიცე-პრეზიდენტ ჯო ბაიდენის და პრეზიდენტობის კანდიდატ ჰილარი კლინტონის საცხოვრებლის მეზობლად არის განლაგებული.