სოფელ მატანში მასშტაბური შემოწმება დაიწყება
“ახმეტის მუნიციპალიტეტის სოფელ მატანში გაფართოებული ტესტირება დაიწყება.” – განაცხადა დაავადებათა კონტროლის ეროვნული ცენტრის კახეთის განყოფილების ხელმძღვანელმა, ნელი ხიზანიშვილმა.
სოფელ მატანში, კორონავირუსი ინფიცირებული ახალგაზრდა მამაკაცის მშობლებს დაუდასტურდათ.
ორ პირს, რომელსაც ვირუსი დაუდასტურდა, უშუალო კონტაქტი ჰქონდა ინფიცირებულთან.
“ეპიდემიოლოგები მუშაობენ და სოფელში გაფართოებულ ტესტირებას დავიწყებთ. მივეცით რეკომენდაცია მატნის სკოლას, რომ სწავლის დაწყების წინა დღეა და ჯერ პედაგოგები არ მიიღონ. სოფელ ველისციხეში ინფიცირებული ა.თ.-ს 35 კონტაქტი გამოიკვეთა, აღებულია ბიოლოგიური მასალა და პასუხს დღეს ველოდებით. ლაგოდეხში კონტაქტები თითქმის არ არის, მხოლოდ ოჯახის წევრებს გამოვიკვლევთ.” – განაცხადა ხიზანიშვილმა.
ბოლო ორი დღის განმავლობაში, კახეთში კორონავირუსის 6 დადასტურებული შემთხვევა გამოვლინდა. ყველა ინფიცირებული, სპეციალური ეკიპირებით, სამკურნალოდ, კოვიდ-ცენტრებში გადაიყვანეს. დაფიქსირებული შემთხვევების კონტაქტების კვლევაზე, ეპიდემიოლოგები მუშაობას აგრძელებენ.
