“რუსეთს მშვიდობიან მოსახლეობაზე იერიში არ მიაქვს”-პესკოვი ოკუპანტებმა მოსახლეობის მკვლელობას სიცრუე უწოდეს

კრემლის პრესსპიკერი, დმიტრი პესკოვი რუსული ძალების მხრიდან ხარკივზე სარაკეტო თავდასხმას ეხმაურება. მისი მტკიცებით, “რუსეთს მშვიდობიან მოსახლეობაზე იერიში არ მიაქვს”.

“რუსეთს მშვიდობიან მოსახლეობაზე იერიში არ მიაქვს”, – ამბობს კრემლის პრესსპიკერი.
საოკუპაციო ძალა ხარკოვის სამოქალაქო ინფრასტრუქტურის განადგურებას და მშვიდობიანი მოსახლეობის მკვლელობას სიცრუეს უწოდებს. კრემლში ამბობენ, რომ მათი სამიზნე მხოლოდ სამხედრო ობიექტებია – დანარჩენი კი უკრაინული მხარის პროპაგანდა. გაეროს მონაცემებით, რუსული ინტერვენციის დაწყებიდან 2023 წლის 31 ივლისამდე დაღუპულია 9369 მშვიდობიანი. დაშავდა 16 646 სამოქალაქო პირი.

გუშინ, რუსულმა საოკუპაციო ძალებმა ხარკივის ოლქის სოფელ გროზაზე სარაკეტო იერიში მიიტანეს, რის შედეგადაც 52 ადამიანი დაიღუპა, 27 კი დაშავდა. თავდასხმის დროს დაზიანდა 2 მრავალსართულიანი საცხოვრებელი სახლი და დაინგრა ერთი კერძო სახლი აფეთქების მომენტში შენობაში 300-მდე ადგილობრივი იყო ისინი რუსულ აგრესიას შეწირული თანასოფლელის ხსოვნას მიაგებდნენ პატივს. დაღუპულთა შორის მისი მეუღლე და 9 წლის შვილია.
მაშველებმა ნანგრევებიდან 10 წლის ბავშვის ცხედარი ამოიყვანეს. ქალაქის ცენტრალურ რაიონში ბალისტიკური რაკეტის აფეთქების მომენტში მას ეძინა. მაშველებმა ვერც მისი ბებიის გადარჩენა მოახერხეს.

წინასწარი ინფორმაციით, დაღუპულთა რიცხვი შესაძლოა გაიზარდოს, რადგან მაშველები ნანგრევებში მოყოლილ ადამიანებს ეძებენ. ადგილობრივი ხელისუფლების თქმით, ოკუპანტებმა ისკანდერები გამოიყენეს.

უკრაინის საგარეო საქმეთა მინისტრი დმიტრო კულება ხარკოვის რაიონში რუსეთის მიერ განხორციელებულ სარაკეტო თავდასხმას ეხმაურება.

როგორც კულება „ტვიტერის“ გვერდზე წერს, ხარკოვის რაიონზე საჰაერო იერიში დასტურია, რომ უკრაინის მიმართ მხარდაჭერა უნდა გაიზარდოს.

„ხარკოვის რაიონში, სოფელ გროზაზე 5 ოქტომბერს რუსული ტერორისტული თავდასხმის შედეგად სულ მცირე, 52 ადამიანი, მათ შორის ერთი ბავშვი, დაიღუპა, ხოლო დღეს საჰაერო იერიშის შედეგად კიდევ ერთი ბავშვი დაიღუპა. ორივე ეს სისასტიკე დასტურია, რომ უკრაინის გლობალური მხარდაჭერა უნდა შენარჩუნდეს და გაიზარდოს. თუ ის შესუსტდება, შედეგი მხოლოდ მეტი ასეთი სამხედრო დანაშაული იქნება“, – აღნიშნა კულებამ.

რუსეთის ძალებმა 5 ოქტომბერს ხარკოვის ოლქში სოფელი გროზა დაბომბეს, ვრცელდება ინფორმაცია 51 დაღუპულისა და ექვსი დაშავებულის შესახებ. დაბომბილია კაფე და მაღაზია. უკრაინული მხარის ცნობით, წინასწარი მონაცემებით, ობიექტს „ისკანდერის“ ტიპის რაკეტა მოხვდა. რუსმა სამხედროებმა ასევ დღეს იერიში მიიტანეს ხარკოვის ცენტრზე. თავდასხმის შედეგად სამი ადამიანი დაიჭრა.