მნიშვნელოვანიმსოფლიოსაქართველოსიახლეები

საქართველოს მოქალაქე კიდევ რამდენიმე ქვეყანაში დასაქმდება

მთავრობის თანახმად, მიმდინარე წელს, საზღვარგარეთ საქართველოს მოქალაქეებისთვის ლეგალურად დროებითი დასაქმების მიმართულებით, მოლაპარაკება რამდენიმე ქვეყანასთან მიმდინარეობს.

როგორც ცნობილია, საქართველოს მოქალაქეებს სეზონურად დასაქმება უკვე შეუძლიათ გერმანიაში. საქართველოსა და ისრაელის შორის გაფორმებული შეთანხმების შესაბამისად, საქართველოს მოქალაქეებს აქვთ საშუალება დასაქმდნენ ისრაელშიც.

პრემიერ-მინისტრ ირაკლი ღარიბაშვილის მოხსენების თანახმად, კი ამ ეტაპზე დროებით ლეგალურ დასაქმების შესაძლებლობასთან დაკავშირებით მოლაპარაკებები მიმდინარეობს საფრანგეთის მთავრობასთან.

გარდა ამისა, ინიცირებულია დიალოგი, პორტუგალიასთან, ესპანეთთან, ჩეხეთთან, ხორვატიასთან, კვიპროსთან და უნგრეთთან.

ბელგიასა და საბერძნეთთან დროებით ლეგალურად დასაქმებასთან დაკავშირებით, მიმდინარეობს კონსულტაციები. მოლაპარაკებები მიმდინარეობს ფინეთთანაც.

ცნობისთვის, გერმანიაში ლეგალურად დასაქმების სურვილი, საქართველოს 97 682-მა მოქალაქემ გამოთქვა, თუმცა, ქვეყანაში დასაქემბას, მხოლოდ 5 000 ადამიანი შეძლებს.

საქართველოდან გერმანიაში ჩასულ მოქალაქეთა ნაწილს გაუსაძლისი პირობები დახვდათ.

როგორც მოქალაქეები აცხადებენ, გერმანიაში საათში გათვალისწინებული გასამრჯელოს – 9 ევროს ნაცვლად, მხოლოდ 3 ევროს იღებდნენ, საცხოვრებელი პირობები კი იმდენად მძიმე იყო, რომ მათ პროგრამის დატოვების გადაწყვეტილება მიიღეს. ბევრმა მათგანმა საკუთარი ყოფის შესახებ სოციალურ ქსელში ვიდეოც გაავრცელა.

მსგავსი პოსტები

Back to top button