ჩინეთში ხანძარს 18 ადამიანის სიცოცხლე ემსხვერპლა

ჩინეთში, საბრძოლო ხელოვნების სასწავლო ცენტრში გაჩენილი ხანძრის შედეგად 18 ადამიანი დაიღუპა და  16 ადამიანი დაშავდა, დაშავებულებისა და დაღუპულების უმეტესობა 7-დან 16 წლამდე ასაკის ბავშვია. ოთხი დაშავებული კრიტიკულ მდგომარეობაშია.

შემთხვევა მოხდა ქალაქ შანციუში, ჰენანის პროვინციაში. ხანძრის მიზეზის დასადგენად სამართალდამცავებმა გამოძიება დაიწყეს. ადგილობრივი მედიის მიერ გავრცელებული ინფორმაციით, დაკავებულია ცენტრის მეპატრონე.