მხატვარმა დალუქულ ქვაში 1 კვირა იცხოვრა [Photo/Video]

ფრანგმა მხატვარმა, აბრაჰამ პუენშევალმა პარიზის თანამედროვე ხელოვნების მუზეუმ Palais de Tokyo-ში უჩვეულო პერფორმანსი მოაწყო. მან 12 ტონიან კირქვის ბლოკში 1 კვირა დაჰყო.

სააგენტო Reuters-ის ინფორმაციით, 44 წლის მხატვარმა დალუქულ ქვაში 1 კვირის განმავლობაში არსებობა ნებაყოფლობით გადაწყვიტა. მან 2,5 მეტრის სიმაღლის ბლოკში 7 დღე გაატარა.
1 კვირის მანძილზე პუენშევალი ხმელი ხორცით, მშრალი სუპითა და სასმელი წყლით იკვებებოდა. მუზეუმის დამთვალიერებლები ექსპერიმენტს ინფრაწითელი კამერის მეშვეობით თვალს ადევნებდნენ, ასევე ბევრ მათგანს მხატვართან გასაუბრების საშუალებაც ჰქონდა.
1-კვირიანი ტუსაღობის შემდეგ, ხანგრძლივი აპლოდისმენტების თანხლებით, მხატვარი გაათავისუფლეს. მან განაცხადა, რომ ქვაში თავს კარგად გრძნობდა, მაგრამ ზოგჯერ რეალობის შეგრძნებას კარგავდა და ვერ ხვდებოდა, სად იმყოფებოდა. ექსპერიმენტის მიზანი ცოცხალ და არაცოცხალ ბუნებას შორის კავშირის დადგენა იყო.
აღსანიშნავია, რომ 2014 წელს პუენშევალმა პარიზის „ნადირობისა და ბუნების“ მუზეუმში მდებარე დათვის ფიტულში 13 დღე გაატარა. მხატვრის თქმით, მას აინტერესებდა მტაცებლის მდგომარეობა, როცა იგი ხანგრძლივი დროით ზამთრის ძილს ეძლევა.

[print_gllr id=54513]

 

მსგავსი პოსტები

Back to top button