მნიშვნელოვანიმსოფლიოსიახლეები

კრიტიკის შემდეგ ნობელის ფონდმა რუსეთის ბელარუსის და ირანის ელჩებს მიწვევა გააუქმა

ნობელის ფონდმა გააუქმა რუსეთის, ბელარუსისა და ირანის ელჩებისათვის სტოკჰოლმში დაჯილდოების ცერემონიაზე დასასწრებად გაგზავნილი მოსაწვევები. ამის შესახებ ფონდის ვებგვერდზეა ნათქვამი.

პუბლიკაციაში აღნიშნულია, რომ წელს რუსეთის, ბელორუსიისა და ირანის ოფიციალური წარმომადგენლების სადღესასწაულო ღონისძიებებზე მიწვევის გადაწყვეტილებამ მწვავე რეაქცია გამოიწვია, მათ შორის შვედ პოლიტიკოსებს შორის. გასულ წელს ელჩები ასეთ ღონისძიებაზე არ მიუწვევიათ.

შვედეთის ოპოზიციური პარტიების ზოგიერთმა ლიდერმა გააუქმა მიწვევა, მთავრობის წარმომადგენლები კი განიხილავენ ღონისძიებაში მონაწილეობაზე უარის თქმას.

ლიბერალური პარტიის თავმჯდომარემ, იოჰან გეორგ პერსონმა განაცხადა, რომ „არ აპირებს [ბანკეტზე] ჯდომას და რუსეთის ელჩის სადღეგრძელოს დალევას, სანამ უკრაინაში გრძელდება პუტინის სისხლიანი აგრესიული ომი“.

პრემიერ-მინისტრ ულფ კრისტერსონის თქმით, ნობელის პრემიებით დაჯილდოების ცერემონიაზე რუსეთის მიწვევამ გული დასწყვიტა ბევრ ადამიანს როგორც შვედეთში, ისე უკრაინაში.

უკრაინა კრიტიკულად გამოეხმაურა ნობელის კომიტეტის წლევანდელ გადაწყვეტილებას. საგარეო საქმეთა სამინისტროში განაცხადეს, რომ ასეთი გადაწყვეტილება კრემლს გაუძლიერებს დაუსჯელობის გრძნობას და ახალი ბოროტმოქმედებებისკენ უბიძგებს მას.

გაუქმებამდე ცოტა ხნით ადრე, შვედეთის სამეფო ოჯახმა განაცხადა, რომ მეფეს ჯერ არ ჰქონდა გადაწყვეტილი დაესწრებოდა თუ არა ღონისძიებას, რომელზეც ასეთი სტუმრები იყვნენ მიწვეულები.

უკრაინის საგარეო საქმეთა სამინისტროს ოფიციალურმა წარმომადგენელმა სამი ქვეყნის ელჩების მიწვევის გაუქმების გადაწყვეტილებას, ჰუმანიზმის გამარჯვება უწოდა.

ნობელის პრემიის ლაურეატების დაჯილდოების ცერემონიალზე რუსეთის, ბელარუსისა და ირანის ელჩები არც გასულ წელს არ მიიწვიეს.

მსგავსი პოსტები

Back to top button