2023 წლის ბიუჯეტის რესურსი 23,1 მილიარდი ლარია
2023 წლის ბიუჯეტის რესურსი 23,1 მილიარდი ლარია, – ამის შესახებ ფინანსთა მინისტრმა ლაშა ხუციშვილმა პარლამენტში, 2023 წლის სახელმწიფო ბიუჯეტის პროექტის წარდგენისას განაცხადა.
მისივე თქმით, 2023 წლის ბიუჯეტის პროექტით სოციალური და ჯანდაცვის პროგრამების დაფინანსებაზე მთლიანი რესურსის 30 პროცენტია გათვალისწინებული და ჯამში მათი დაფინანსება 7,0 მილიარდი ლარია.
„რესურსის 26 პროცენტი – 6,1 მილიარდი ლარი მიიმართება ინფრასტრუქტურის გაუმჯობესებასა და ეკონომიკური ზრდის ხელშემწყობ პროექტებზე;
11 პროცენტია (2,6 მილიარდი ლარი) გამოყოფილი განათლებისა და მეცნიერების დაფინანსებაზე;
ასევე, 11 პროცენტამდეა (2,5 მილიარდი ლარი) თავდაცვისა და უსაფრთხოების მიმართულების დაფინანსება;
კულტურისა და სპორტის დაფინანსება შეადგენს 831 მილიონ ლარს;
გარემოს დაცვა – 617 მილიონ ლარს;
პენიტენციური სისტემისთვის გათვალისწინებულია 227 მილიონი ლარი;
სასამართლოებისა და პროკურატურის დაფინანსება – 192 მილიონი ლარი;
საგარეო ურთიერთობები – 183 მილიონი ლარი;
ვალების მომსახურება 1 მილიარდ 170 მილიონი ლარი;
ყველა სხვა დანარჩენი მიმართულების დაფინანსებაზე ბიუჯეტის მთლიანი რესურსის 8 პროცენტზე ნაკლები მიიმართება“, – აღნიშნა ფინანსთა მინისტრმა.
ამასთან 2022 წლის იანვარი- ოქტომბრის თვეში საერთაშორისო მოგზაურობიდან (ტურიზმიდან) საქართველომ 2.9 მილიარდი დოლარის შემოსავალი მიიღო.
2022 წლის იანვარი-ოქტომბრის თვეში მოგზაურობიდან მიღებულმა შემოსავალმა პანდემიის შემდეგ პირველად გადააჭარბა 2019 წლის მაჩვენებელს და რეკორდული მაჩვენებელი დაფიქსირდა – 2,854,529,093 აშშ. დოლარი, რაც 2019 წლის ანალოგიურ მაჩვენებელს 100.2% აღდგენაა (ზრდა +4,838,981 აშშ დოლარი). 2021 წლის იანვარი-ოქტომბრის თვესთან შედარებით მოგზაურობიდან შემოსავლები გაზრდილია +1,846,592,397 (+183.2%) აშშ დოლარით.
