მნიშვნელოვანირეგიონისაქართველოსიახლეები
ლაგოდეხის 3 სოფლის წყლით მომარაგებისთვის 200 000 ლარი დაიხარჯა
გაერთიანებული წყალმომარაგების კომპანიამ ლაგოდეხის მუნიციპალიტეტში ახალი ჭაბურღილი მოაწყო. ჭაბურღილის სრულყოფილად ასამუშავებლად და ექსპლოატაციაში ჩასაშვებად, ობიექტამდე ელექტროენერგიის მიყვანაა საჭირო, რის განსახორციელებლადაც ტენდერი უახლოეს მომავალში უნდა გამოცხადდეს.
კომპანიაში რადიო ჰერეთს განუცხადეს, რომ ახალი ჭაბურღილი სოფლების: ჭიაურის, თამარიანის და ჰერეთისკარის წყალმომარაგების დებეტის გაზრდას მოხმარდება.
„მოსახლეობას წყალმცირობის სეზონზე წყლის მიწოდების პრობლემა მოუგვარდება“- ამბობს კომპანიის პრესასთან ურთიერთობის სამსახურის უფროსი, ლელა კიკალეიშვილი.
პროექტი 2020 წლის ზაფხულში დაიწყო და მისი განხორცილებისთვის 200 000 ლარზე მეტი დაიხარჯა.
მოისმინეთ ლელა კიკალეიშვილის კომენტარი
