რეგიონი

აშშ-ს ელჩი თელავის რაიონული სასამართლოს მოსამართლეებს შეხვდა

ამერიკის შეერთებული შტატების ელჩი, კელი დეგნანი თელავის რაიონული სასამართლოს მოსამართლეებს შეხვდა.

საქართველოში აშშ-ს საელჩოს ინფორმაციით, ამერიკის იუსტიციის დეპარტამენტი თელავის სასამართლოსთან თანამედროვე სასამართლო დარბაზების ჩამოყალიბებისათვის მუშაობს.

ამერიკელმა დიპლომატმა განმარტა, რომ უკრაინაში მიმდინარე მოვლენები, ამერიკის შეერთებული შტატების ძალისხმევას საქართველოს მიმართ არ შეასუსტებს.

” აშშ-ის იუსტიციის დეპარტამენტი მუშაობს, რათა მხარდაჭერილ იქნას ნაფიც მსაჯულთა სასამართლო, სასამართლო პროცესის უწყვეტობა და მტკიცების გაუმჯობესებული პროცესი. ასევე, USAID-ის კანონის უზენაესობის ახალი პროგრამა ეხმარება სასამართლოებს საქართველოში, უფრო სწრაფად მოახდინონ რეაგირება. უკრაინაში მიმდინარე ძალზედ სამწუხარო მოვლენები არ შეასუსტებს აშშ-ის მთავრობის შესაძლებლობას, გააგრძელოს საქართველოს წინაშე აღებული ვალდებულებების შესრულება”-განაცხადა დეგნანმა.

ამერიკის შეერთებული შტატები წლებია მხარს უჭერს სასამართლო რეფორმას საქართველოში და სპეციალურ პროგრამებს ახორციელებს.

კელი დეგნანი თელავის მუნიციპალიტეტის საკრებულოსა და თელავის ცენტრალურ ბიბლიოთეკაშიც იმყოფებოდა, სადაც ამერიკული კუთხე ფართოვდება.

მსგავსი პოსტები

Back to top button