“ანაბარზე თანხაა, გამოიყენეთ”

„პრაიმტაიმისთვის“ ექსკლუზიურად ცნობილი ხდება, რომ ავტომანქანაში, სადაც 23 წლის თამარ ბაჩალიაშვილის ცხედარი იპოვეს, სამართალდამცველებმა წერილი ამოიღეს.

„ანაბარზე თანხაა, გამოიყენეთ.“ – წერია წერილში.

ასევე, ავტომანქანიდან ამოღებულია სხვადასხვა ტიპის მედიკამენტი.

შინაგან საქმეთა სამინისტროში განმარტებას არ აკეთებენ.

შეგახსენებთ, 23 წლის თამარ ბაჩალიაშვილს 18 ივლისიდან ეძებდნენ. ახალგაზრდა ქალი თბილისში სახლიდან საკუთარი ავტომობილით გავიდა და მას შემდეგ აღარ დაბრუნებულა. მისი მანქანა დღეს თეთრიწყაროში მწყემსმა იპოვა.