მოსახლეობა ყველაზე მეტად რაჭა-ლეჩხუმსა და ქვემო სვანეთში შემცირდა

2014 წლის საყოველთაო აღწერის საბოლოო მონაცემებით, საქართველოს რეგიონებში მოსახლეობის რიცხოვნობა, 2002 წელთან შედარებით, ყველაზე მეტად რაჭა-ლეჩხუმსა და ქვემო სვანეთში შემცირდა.

სტატისტიკის ეროვნული სამსახურის ინფორმაციით, რაჭა-ლეჩხუმსა და ქვემო სვანეთში მოსახლეობის რიცხოვნობა 37,4 პროცენტით, სამეგრელო-ზემო სვანეთის რეგიონში 29,0 პროცენტით შემცირდა, ხოლო ყველაზე ნაკლები შემცირება 10,6% პროცენტი აჭარაში დაფიქსირდა.

შემცირება ძირითადად, სოფლის მოსახლეობაზე მოდის – სასოფლო დასახლებებში მოსახლეობის კლებამ 23,7 პროცენტი, ხოლო ქალაქის მოსახლეობის კლებამ 7,1 შეადგინა.

2014 წლის საყოველთაო აღწერის საბოლოო მონაცემებით, საქართველოში მოსახლეობის რიცხოვნობამ 3 713 804 კაცი შეადგინა.