აქციის მონაწილეები თელავში სამთავრობო მანქანებს არ ატარებენ

თელავის ცენტრში ვითარება დაიძაბა. ოპოზიციის მხარდამჭერებმა, რომლებიც ელოდებოდნენ თბილისიდან წამოსულ კოლონას, გზა გადაუკეტეს სამთავრობო მანქანებს, რომლებიც გადაადგილდებოდნენ ერეკლეს სასახლის მიმართულებით.

ადგილი ჰქონდა ფიზიკურ შეხლა-შემოხლას სამართალდამცავებთან.

თელავის ცენტრში ინაუგურაციის პარალელურად, მასშტაბური აქცია გაიმართება, სადაც არჩევნების გაყალბებას გააპროტესტებენ.