აქციით დაიწყო კახეთში რთველი 2015
![](https://heretifm.com/wp-content/uploads/2015/09/11953381_1061490700528351_7432372300207006798_o.jpg)
საპროტესტო აქციით დაიწყო დღეს კახეთში “რთველი 2015”. აქცია მიმდინარეობს გურჯაანის მუნიციპალიტეტის გამგეობის შენობასთან.
გლეხები ყურძნის ფასს აპროტესტებენ. აქციაზე რამდენიმე სოფლის მოსახლეობა იმყოფება. იქ მობილიზებული არიან საპატრულო პოლიციის ეკიპაჟებიც.
![აქცია გურჯაანის გამგეობასთან 11942167_1061490633861691_6943566231943007772_o](https://www.heretifm.com/wp-content/uploads/2015/09/11942167_1061490633861691_6943566231943007772_o-300x169.jpg)
კახეთში რთველი დღეს დაიწყო. როგორც რადიო „ჰერეთს“ ღვინის ეროვნული სააგენტოს ხელმძღვანელმა , გიორგი სამანიშვილმა განუცხადა, სახელმწიფო დღეიდან ყურძნის შესყიდვას დედოფლისწყაროს და სიღნაღის რაიონებიდან იწყებს.
სამანიშვილის თქმით, სახელმწიფო მწიფე 1 კგ რქაწითელში და მწვანეში გადაიხდის 25 თეთრს, რასაც ემატება ასევე სახელმწიფო სუბსიდია 35 თეთრი, რაც ჯამში 60 თეთრს შეადგენს.
ასევე, 1 კგ საფერავში მევენახეს სახელმწიფო გადაუხდის 60 თეთრს, რაც სუბსიდიის ჩათვლით მიაღწევს 75 თეთრს. სწორედ ეს ფასებია მიუღებელი კახელი მევენახეებისთვის.