შეიცვლება თუ არა პრაღის ფორმატი [Audio]

რა საკითხები განიხილებოდა პრაღის შეხვედრაზე, ასევე ამ რაუნდზე მიმდინარეობდა თუ არა საუბარი მოახლოებულ საპარლამენტო არჩევნებზე და განიხილეს თუ არა ეს საკითხი დახურულ კარს მიღმა დიპლომატებმა, ზურაბ აბაშიძემ ამ თემებზე განმარტებები საგანგებოდ გამართულ ბრიფინგზე გააკეთა.

პრემიერმინისტრის სპეციალური წარმომადგენლის თქმით, აბაშიძე-კარასინის შეხვედრაზე ამ საკითხზე ისაუბრეს, თუმცა როგორც აბაშიძე აკონკრეტებს, ეს არ ნიშნავს, რომ თემა განიხილეს.

პრეზედენტი აბაშიძე-კარასინის შეხვედრების ფორმატს აკრიტიკებს და გრიგორი კარასინის განცხადებას კიდევ ერთხელ ეხმაურება. მისი თქმით, პრაღის ფორმატი გადასახედია და დაზუსტებას საჭიროებს. პრეზიდენტი ამბობს, რომ კარასინი – აბაშიძე მხოლოდ ეკონომიკურ და ჰუმანიტარულ საკითხებზე უნდა მსჯელობდნენ და არა საქართველოს საშინაო და საგარეო პოლიტიკაზე, რადგან ამას ფორმატი არ ითვალისწინებს. მარგველაშვილის განცხადებით, თუ ამ შეხვედრებზე მსგავსი თემები განიხილება, ქართულ მხარეს უნდა წარმოადგენდეს ისეთი დიპლომატი, რომელიც კარასინს ადეკვატურ პასუხს გასცემს.

აბაშიძე – კარასინის შეხვედრების ფორმატის გადახედვის აუცილებლობაზე საუბრობს საქართველოს პრეზიდენტი. პრეზიდენტის კომენტარის პარალელურად ამ თემაზე ხელისუფლების წარმომადგენლებიც საუბრობენ. გიორგი მარგველაშვილის ინიციატივას – უფრო მეტად დაზუსტდეს და განისაზღვროს აბაშიძე-კარასინის ფორმატი, გამოეხმაურნენ აღმასრულებელი და საკანონმდებლო ხელისფლების წარმომადგენლები. პაატა ზაქარეიშვილი ამბობს, რომ ომის დროსაც მიმდინარეობს მოლაპარაკებები, აქედან გამომდინარე, თუ იქნება საუბარი ფორმატის გაუქმებაზე, მისი აზრით, ეს გაუმართლებელია და ის, ვინც ამ ინიციატივით გამოდის, უბრალოდ პოლიტიკაში ვერ ერკვევა. განათლების მინისტრის თამარ სანიკიძის თქმით, ფაქტია, რომ ბოლო რამდენიმე წლის განმავლობაში სტაბილურობის ელემენტები გამოჩნდა საქართველოსა და რუსეთის ურთიერთობებში.

მსგავსი პოსტები

Back to top button