რუსეთის პრეზიდენტი ვლადიმირ პუტინი არ გამორიცხავს, რომ თუკი კონსტიტუციაში შესაბამისი შესწორება იქნება მიღებული, იგივე თანამდებობაზე ახალი ვადით იყაროს კენჭი. ამის შესახებ კრემლის ლიდერმა ფილმისთვის მიცემულ ინტერვიუში განაცხადა, რომლის სახელწოდებაა: „რუსეთი, კრემლი, პუტინი“.
„ჩემთვის ჯერ არაფერი გადამიწყვეტია. არ გამოვრიცხავ კენჭისყრის შესაძლებლობას, თუკი ეს აისახება კონსტიტუციაში, ვნახოთ.” – განაცხადა პუტინმა.
მანვე მაღალჩინოსნებს მოუწოდა, ნუ მოძებნიან მის შემცვლელს ახლა და თავისი უშუალო სამსახურით დაკავდნენ. „მუშაობაა საჭირო და არა შემცვლელის ძებნა.” – განაცხადა პუტინმა.
„იცით, ახლა აბსოლუტურად ღიად გეტყვით: თუკი ეს არ იქნება [კონსტიტუციაში შესაბამისი ცვლილება], ორი წლის შემდეგ, ეს ჩემი პირადი გამოცდილებით ვიცი, ნაცვლად ნორმალური რითმული მუშაობისა, ხელისუფლების ძალიან ბევრ დონეზე დაიწყება თვალების ცეცება შესაძლო შემცვლელის საძებნელად.” – განაცხადა პუტინმა.
