აშშ-ში ბოლო 24 საათის განმავლობაში კორონავირუსით 1 417 ადამიანი დაიღუპა და 24 859 – დაინფიცირდა. ამის შესახებ ინფორმაციას CNN „ჯონს ჰოპკინსის უნივერსიტეტის“ მონაცემებზე დაყრდნობით ავრცელებს.
მათივე ინფორმაციით, აშშ-ში, კორონავირუსით დაინფიცირებულთა რაოდენობამ, ამ მომენტისთვის, 787 901-ს მიაღწია, რაც შეეხება ფატალურ შემთხვევებს, სულ დაღუპულია 42 138 ადამიანი.
ცნობისათვის, მსოფლიოში კორონავირუსით დაინფიცირებულთა რაოდენობამ 2,5 მილიონს მიაღწია, გარდაცვლილია 170 000-ზე მეტი ადამიანი.
