აშშ-მ ირანში სამ ბირთვულ ობიექტს შეუტია

აშშ-მ ირანში სამ ბირთვულ ობიექტს შეუტია.

აშშ-ს პრეზიდენტმა დონალდ ტრამპმა „შესანიშნავი სამხედრო წარმატების“ შესახებ 21 ივნისს გამოაცხადა და თქვა, რომ აშშ-ის ბომბდამშენებმა ფორდოს, ნათანზის და ისპაჰანის ბირთვულ ობიექტებზე იერიში მიიტანეს ისრაელთან ერთობლივი ძალისხმევით, რათა ირანის ბირთვული პროგრამა გაენადგურებინათ მას შემდეგ, რაც დიპლომატიურმა მცდელობებით ვერ შეძლეს თეირანის მოლაპარაკებების მაგიდასთან დაბრუნება.

„ჩვენ დავასრულეთ ძალიან წარმატებული თავდასხმა ირანში, სამ ბირთვულ ობიექტზე. ყველა თვითმფრინავი ახლა ირანის საჰაერო სივრცის გარეთაა. ყველა თვითმფრინავი უსაფრთხოდ ბრუნდება სახლში. ვულოცავ ჩვენს დიდებულ ამერიკელ მებრძოლებს. მსოფლიოში არ არსებობს სხვა არმია, რომელიც ამის გაკეთებას შეძლებდა. ახლა მშვიდობის დროა!“ – განაცხადა აშშ-ის პრეზიდენტმა.

დონალდ ტრამპის განცხადებით, ამ შეტევის მიზანი ირანის ურანის გამდიდრების შესაძლებლობების განადგურება და ბირთვული საფრთხის ნეიტრალიზება იყო.

„წლების განმავლობაში ყველას ესმოდა ეს სახელები, როდესაც ირანი დამანგრეველ საწარმოებს აშენებდა“.

აშშ-ს პრეზიდენტი აცხადებს, რომ ირანმა ახლა მშვიდობა უნდა დაამყაროს და თუ ის ამას არ გააკეთებს, მომავალი თავდასხმა გაცილებით უფრო მასშტაბური იქნება.

ირანის მომავალი „ან მშვიდობაა, ან ტრაგედია“, – თქვა პრეზიდენტმა ტრამპმა და აღნიშნა, რომ ჯერ კიდევ ბევრი სამიზნეა დარჩენილი. მან მადლობა გადაუხადა ისრაელის და აშშ-ის სამხედროებს ოპერაციის წარმატებით განხორციელებისთვის.

აშშ-ის პრეზიდენტი დონალდ ტრამპი ირანს აფრთხილებს, რომ აშშ-ის წინააღმდეგ ნებისმიერ შურისძიებას პასუხად მოჰყვება იმაზე გაცილებით დიდი ძალა, ვიდრე ამ ღამით ვიხილეთ. ამის შესახებ ტრამპმა თავის სოციალურ ქსელში დაწერა.

„აშშ-ის წინააღმდეგ ირანის ნებისმიერი შურისძიებას პასუხად მოჰყვება იმაზე გაცილებით დიდი ძალა, ვიდრე ამ ღამით ვიხილეთ. მადლობა! დონალდ ტრამპი, აშშ-ის პრეზიდენტი“, – წერს დონალდ ტრამპი.

ამერიკული პრესა დონალდ ტრამპის ადმინისტრაციის წყაროებზე დაყრდნობით წერს, რომ დარტყმები ამერიკული B-2 სტრატეგიული ბომბდამშენების მიერ განხორციელდა, რომლებიც მისურის შტატში მდებარე საჰაერო ძალების ბაზიდან აფრინდნენ. ფორდოს ობიექტზე შეტევაში ექვსი ბომბდამშენი მონაწილეობდა, რომლებმაც 12 ბომბი ჩამოაგდეს. ნათანზსა და ისპაჰანში სამიზნეების დასაბომბად ამერიკული წყალქვეშა ნავების ფრთოსანი რაკეტები გამოიყენეს.

CNN-ის ცნობით, B-2 Spirit აშშ-ის საჰაერო ძალების უმაღლესი დონის ბომბდამშენია. აშშ-ის საჰაერო ძალების ინვენტარში მხოლოდ 20 B-2 ტიპის თვითმფრინავია და თითოეული ბომბდამშენის ღირებულება, დაახლოებით, 2 მილიარდი დოლარია.

ირანის ოფიციალურმა პირებმა სამ ბირთვულ ობიექტზე დარტყმები დაადასტურეს.

მედიის მიერ გავრცელებული ინფორმაციით, აშშ-ის იერიშამდე სამი ბირთვული ობიექტიდან ევაკუაცია განხორციელდა. ირანის სახელმწიფო ტელევიზიის პოლიტიკური დირექტორის მოადგილემ, ჰასან აბდეინიმ პირდაპირ ეთერში განაცხადა, რომ ირანს სერიოზული ზარალი არ განუცდია, რადგან მასალები უკვე გატანილი იყო.

აშშ-ის მიერ ირანის ბირთვული ობიექტების დაბომბვას ეხმაურება ისრაელის პრემიერ-მინისტრი, ბენიამინ ნეთანიაჰუც:

„პრეზიდენტი ტრამპი და მე ხშირად ვამბობთ: „მშვიდობა ძალის გზით“. ჯერ მოდის ძალა და შემდეგ მოდის მშვიდობა. დღეს პრეზიდენტმა ტრამპმა და აშშ-მა იმოქმედეს დიდი ძალით“, – ნეთანიაჰუს შეფასებით, ტრამპის გადაწყვეტილება, დარტყმები განახორციელოს ირანის ბირთვულ ობიექტებზე, ისტორიას შეცვლის.

„გილოცავთ, პრეზიდენტო ტრამპ, თქვენი თამამი გადაწყვეტილება, სამიზნეში ამოიღოთ ირანის ბირთვული ობიექტები, შეერთებული შტატების გასაოცარი და მართალი ძალით შეცვლის ისტორიას“, – აღნიშნავს ნეთანიაჰუ.

ატომური ობიექტების დაბომბვის შემდეგ სოციალურ ქსელ X-ში ატომური ენერგიის საერთაშორისო სააგენტოს განცხადებას ავრცელებს და წერს, რომ ობიექტების გარეთ რადიაციის დონის მატება არ დაფიქსირებულა.

„ირანში სამ ბირთვულ ობიექტზე, მათ შორის ფორდოზე, დარტყმების შემდეგ, ატომური ენერგიის საერთაშორისო სააგენტოს შეუძლია, დაადასტუროს, რომ ამ დროისთვის ობიექტების გარეთ რადიაციის დონის მატება არ დაფიქსირებულა. ატომური ენერგიის საერთაშორისო სააგენტო ვითარების შემდგომ შეფასებას წარმოადგენს, როგორც კი მეტი ინფორმაცია გახდება ხელმისაწვდომი“, – ნათქვამია ორგანიზაციის განცხადებაში.

ამასთან ამერიკის შეერთებული შტატების შეიარაღებულმა ძალებმა ირანის ბირთვულ ობიექტებზე თავდასხმისთვის B-2-ის ტიპის ბომბდამშენები და GBU-57-ის ბუნკერის საწინააღმდეგო ბომბები გამოიყენა.

CNN ამერიკელ მაღალჩინოსნებზე დაყრდნობით წერს, რომ ოპერაციაში 6 ბომბდამშენი იყო ჩართული. ასევე, აღნიშნავს, რომ B-2 Spirit აშშ-ის საჰაერო ძალების უმაღლესი დონის ბომბდამშენია.

ოთხძრავიან B-2-ს შეუძლია, რომ აღჭურვილი იყოს როგორც ჩვეულებრივი, ასევე ბირთვული იარაღით. მას აქვს 40 000 ფუნტი ტვირთამწეობა და საჰაერო საწვავით შევსების შეუზღუდავი დიაპაზონი.

CNN წერს, რომ აშშ-ის საჰაერო ძალებს მხოლოდ 20 B-2 ტიპის თვითმფრინავი აქვს.

რაც შეეხება GBU-57-ს – ბუნკერის საწინააღმდეგო ორი ბომბი აშშ-მა B-2-ის ტიპის ბომბამშენებიდან ჩამოაგდო. GBU-57-ის ბომბი მიწისქვეშა სამიზნეების გასანადგურებლად არის შექმნილი.

ამასთან, ისპაჰანსა და ნათანზში მდებარე ბირთვული ინფრასტრუქტურის ობიექტებზე იერიშების დროს აშშ-ის ძალებმა წყალქვეშა ნავებიდან Tomahawk-ის 30-მდე ფრთოსანი რაკეტა გაუშვეს.

CNN-ს ორმა წყარომ ასევე უთხრა, რომ აშშ-მა ირანის ბირთვულ ობიექტებზე თავდასხმების დროს მასიური საბრძოლო მასალის შეღწევადობის (MOP) ბომბი გამოიყენა – 30 000 ფუნტიანი ბომბი 6 000 ფუნტი ასაფეთქებელი ნივთიერებით – შექმნილი იყო “მოწინააღმდეგეების მასობრივი განადგურების იარაღის კარგად დაცულ ობიექტებში განთავსებულ ადგილებამდე მისასვლელად და გასანადგურებლად”.

შეგახსენებთ აშშ-ის შეიარაღებულმა ძალებმა სარაკეტო დარტყმები განახორციელეს ირანის სამ მთავარ ბირთვულ ობიექტზე. თავდასხმა, რომლის შესახებაც თავად დონალდ ტრამპმა გამოაცხადა ტელემიმართვაში და სოციალურ ქსელში, განხორციელდა ფორდოს, ნატანზისა და ისფაჰანის ბირთვულ სადგურებზე.

აშშ-ის თავდაცვის დეპარტამენტის განცხადებით, ოპერაცია მიზნად ისახავდა ირანის ბირთვული პროგრამის შესაძლებლობების მნიშვნელოვან შეზღუდვას. შეტევაში გამოიყენეს B-2 ტიპის სტელს-ბომბდამშენები და 30-ტონიანი „ბანკერ-ბასტერები“ – GBU-57 ტიპის ბომბები, რომლებიც განკუთვნილია მიწისქვეშა ობიექტების დასაზიანებლად.

ატომური ენერგიის საერთაშორისო სააგენტოში (IAEA) აცხადებენ, რომ აშშ-ის მიერ ირანის სამ ბირთვულ ობიექტზე მიტანილი იერიშის შემდეგ ობიექტების გარეთ რადიაციის დონის მატება არ დაფიქსირებულა.

ამის შესახებ ატომური ენერგიის საერთაშორისო სააგენტო X-ზე წერს.

“ირანში სამ ბირთვულ ობიექტზე, მათ შორის ფორდოზე დარტყმების შემდეგ, ატომური ენერგიის საერთაშორისო სააგენტოს შეუძლია დაადასტუროს, რომ ამ დროისთვის ობიექტების გარეთ რადიაციის დონის მატება არ დაფიქსირებულა. ატომური ენერგიის საერთაშორისო სააგენტო ირანში ვითარების შემდგომ შეფასებას წარმოადგენს, როგორც კი მეტი ინფორმაცია იქნება ხელმისაწვდომი”, – ვკითხულობთ განცხადებაში.

აშშ-ის შეიარაღებულმა ძალებმა სარაკეტო დარტყმები განახორციელეს ირანის სამ მთავარ ბირთვულ ობიექტზე. თავდასხმა, რომლის შესახებაც თავად დონალდ ტრამპმა გამოაცხადა ტელემიმართვაში და სოციალურ ქსელში, განხორციელდა ფორდოს, ნატანზისა და ისფაჰანის ბირთვულ სადგურებზე.

აშშ-ის თავდაცვის დეპარტამენტის განცხადებით, ოპერაცია მიზნად ისახავდა ირანის ბირთვული პროგრამის შესაძლებლობების მნიშვნელოვან შეზღუდვას. შეტევაში გამოიყენეს B-2 ტიპის სტელს-ბომბდამშენები და 30-ტონიანი „ბანკერ-ბასტერები“ – GBU-57 ტიპის ბომბები, რომლებიც განკუთვნილია მიწისქვეშა ობიექტების დასაზიანებლად.

ისრაელმა ირანის წინააღმდეგ 13 ივნისს დაიწყო სამხედრო ოპერაცია, რომლის სამიზნედ გამოაცხადა ისლამური რესპუბლიკის სამხედრო დანიშნულების ობიექტები, მათ შორის ობიექტები, სადაც, ისრაელის განცხადებით, თეირანი ბირთვულ იარაღს ქმნის და ისრაელის არსებობას ემუქრება.
პასუხად ირანმა ისრაელზე რაკეტებით და დრონებით შეტევა დაიწყო.
ორივე ქვეყანაში მსხვერპლია მშვიდობიან მოსახლეობაში.