აშშ-ში საქართველოს ელჩად დავით ბაქრაძე ინიშნება

საქართველოს ამერიკის შეერთებულ შტატებში ახალი ელჩი ეყოლება.

არჩილ გეგეშიძეს ამ თანამდებობაზე ახლანდელი სახელმწიფო მინისტრი დავით ბაქრაძე შეცვლის.

ამის შესახებ განცხადება პრემიერ-მინისტრმა, გიორგი კვირიკაშვილმა ევროინტეგრაციის კომისიის სხდომაზე გააკეთა.

გიორგი კვირიკაშვილის განმარტებით, აშშ-ში ელჩი საპარლამენტო არჩევნების შემდეგ შეიცვლება.

კვირიკაშვილმა არჩილ გეგეშიძეს გაწეული მუშაობისთვის მადლობა გადაუხადა.