მნიშვნელოვანიმსოფლიოსიახლეები

აზერბაიჯანი და სომხეთი ერთმანეთს ცეცხლის შეწყვეტის რეჟიმის დარღვევაში ადანაშაულებენ

სომხეთის თავდაცვის სამინისტროს ინფორმაციით, გამთენიისას აზერბაიჯანის არმიის ქვედანაყოფებმა დაარღვიეს ცეცხლის შეწყვეტის შეთანხმება და ქელბაჯარის რაიონის მიმართულებით ცეცხლი გაუხსნეს სომხეთის შეიარაღებული ძალების პოზიციებს. ერევანში აცხადებენ, რომ საპასუხო მოქმედების შედეგად, დილის 7 საათისთვის სროლა შეწყდა.

ცეცხლის შეწყვეტის შეთანხმების დარღვევაში სომხეთს ადანაშაულებს აზერბაიჯანის თავდაცვის სამინისტრო. მისი ინფორმაციით, სომხეთის არმიის ქვედანაყოფებმა ავტომატებით და ნაღმმტყორცნებით მიიტანეს იერიში აზერბაიჯანელ სამხედროებზე, რომლებმაც შეტევა საპასუხო ცეცხლით მოიგერიეს. მსხვერპლის შესახებ არცერთი მხარე არაფერს იუწყება.

სომხეთმა და აზერბაიჯანმა ერთმანეთი 28 ივლისსაც დაადანაშაულეს სასაზღვრო რაიონში განხორციელებულ თავდასხმებში. სომხეთის თავდაცვის სამინისტრომ 3 ჯარისკაცის დაღუპვა დაადასტურა. აზერბაიჯანის თავდაცვის სამინისტროს ოფიციალური ინფორმაციით, დაიჭრა 2 სამხედრო.

მსგავსი პოსტები

Back to top button