რუსეთი ბრძოლის ველზე თავის უახლესი ტიპის ჰაუბიცებს გამოიყენებს
რუსეთი ახლო მომავალში თავის უახლესი ტიპის ჰაუბიცებს გამოიყენებს ბრძოლის ველზე, უკრაინის ძალების წინააღმდეგ – ამბობს რუსეთის თავდაცვის კონგლომერატი Rostec-ი 27 დეკემბერს გამოქვეყნებულ განცხადებაში.
სააგენტო „როიტერის“ ცნობით, რუსეთი ფინეთისა და ნორვეგიის საზღვრების სიახლოვეს უახლეს „ჰაუბიცებს“ განათავსებს. როგორც სააგენტო იუწყება, ამის შესახებ რუსეთის სახელმწიფო კომპანია „როსტეხის“ ხელმძღვანელმა, სერგეი ჩემეზოვმა განაცხადა.
მისივე თქმით, შეიარაღების პირველი ნაწილი რუსეთის ჩრდილოეთ სამხედრო ოლქში 2023 წლის ბოლომდე განთავსდება.
„ჩემი აზრით, ეს შეიარაღება ძალიან მალე განთავსდება. ასეთი ტიპის „ჰაუბიცები“ საჭიროა, რათა დასავლურ არტილერიასთან შედარებით, მოქმედების არეალის კუთხით უპირატესობა იყოს უზრუნველყოფილი“, – განაცხადა სერგეი ჩემეზოვმა.
ახალი Coalition-SV-ის საარტილერიო ერთეულების გამოცდა დასრულებულია და უკვე დაიწყო მათი მასობრივი წარმოება – უთხრა Rostec-ის ხელმძღვანელმა სერგეი ჩემეზოვმა სახელმწიფო სააგენტო RIA-ს.
რუსეთის სახელმწიფო სააგენტო TASS-ი მიმდინარე თვეში იუწყებოდა, რომ Coalition-SV-ის ჰაუბიცათა ცალკეული ერთეულები უკვე განთავსებულია უკრაინის ფრონტის ხაზზე.
