ბელგოროდის ოლქი დრონებით დაბომბეს
ბელგოროდის ოლქის ხელმძღვანელის, ვიაჩესლავ გლადკოვის ინფორმაციით, 25 ივნისის დილით გახდა ცნობილი, რომ ქალაქზე უკრაინული თავდასხმის შედეგად ასაკოვანი ქალი დაიღუპა. გლადკოვის თანახმად, ქალაქის დათვალიერების შემდეგ ნახეს ჭურვის მოხვედრის შედეგად დანგრეული სახლი, რომელშიც ქალის ცხედარი აღმოჩნდა ასევე დაშავებულია ოთხი ადამიანი.
გლადკოვმა სამშაბათს ღამით განაცხადა, რომ ბელგოროდზე დრონებით “მასირებული შეტევა” განხორციელდა. დილით გუბერნატორმა ბელგოროდის ჩრდილოეთით ექვსი დრონის თავდასხმის შესახებ დაწერა.
რუსეთის თავდაცვის სამინისტრომ დილის ანგარიშში განაცხადა, რომ ბელგოროდის ოლქის ტერიტორიაზე 29 უკრაინული უპილოტო საფრენი აპარატი მოიგერიეს და გაანადგურეს. უკრაინის თავდაცვის უწყებაში ბელგოროდის დაბომბვაზე კომენტარს არ აკეთებენ.
ამასთან, კურსკის ოლქის გუბერნატორის მოვალეობის შემსრულებელი ალექსეი სმიტონოვი ტელეგრამარხზე წერს, რომ უკრაინის მხრიდან ქალაქ სუჯისთვის ცეცხლის გახსნის შედეგად ერთი ადამიანი დაშავდა. მისი ცნობით, ცეცხლის გახსნის შედეგად სამ სახლში ხანძარი გაჩნდა.
უკრაინის მოსაზღვრე რუსეთის რეგიონები ბოლო თვეებში თითქმის ყოველდღიურად ხდება სარაკეტო და დრონების თავდასხმის სამიზნე. რუსული მხარე უკრაინის შეიარაღებულ ძალებს ადანაშაულებს. უკრაინის სარდლობა, როგორც წესი, თავდასხმებზე კომენტარს არ აკეთებს.
