PzH 2000 თვითმავალი ჰაუბიცები,MARS II MLRS და საზენიტო რაკეტები-უკრაინის დახმარება გრძელდება
გერმანიის თავდაცვის ფედერალურმა სამინისტრომ პირობა დადო, რომ უახლოეს კვირებში უკრაინას გადასცემს დამატებით PzH 2000 თვითმავალ ჰაუბიცებს და MARS II MLRS-ს.
“ჩვენ კოორდინაციას ვუწევთ მუდმივ მხარდაჭერას. მომდევნო რამდენიმე კვირაში, მეტი PzH2000 და MARS II გადაეცემა უკრაინას.” – წერს სამინისტრო Twitter-ზე.
12-13 ოქტომბერს ბრიუსელი მასპინძლობს ჩრდილოატლანტიკური საბჭოს სხდომას თავდაცვის მინისტრების დონეზე, ასევე უკრაინის თავდაცვის საკონტაქტო ჯგუფის [რამშტეინი-6] შეხვედრას შეერთებული შტატების ეგიდით.
ოფიციალური პირები შეაფასებენ ალიანსის თავდაცვისა და შეკავების შესაძლებლობების ამჟამინდელ მდგომარეობას, განიხილავენ ზომებს კრიტიკული ინფრასტრუქტურის დასაცავად ჩრდილოეთ ნაკადის მილსადენებზე დივერსიული აქტების გათვალისწინებით და უკრაინის სამხედრო დახმარების გაგრძელებისა და გაძლიერების გზებს.
საჰაერო თავდაცვის გასაძლიერებლად ნიდერლანდები უკრაინას 15 მილიონი ევროს ოდენობის საზენიტო რაკეტებს გადასცემს
ამის შესახებ ნიდერლანდების თავდაცვის მინისტრმა კაისა ოლონგრენმა ბრიუსელში “რამშტაინის” ფორმატში გამართულ შეხვედრაზე განაცხადა.
“ერთადერთი შედეგი, რომელსაც პუტინი მიაღწევს არის ის, რომ ჩვენ უფრო მეტს მივაწვდით [უკრაინას] ასეთი სახის თავდასხმების გამო”, – აღნიშნა ოლონგრენმა.
მან არ დააკონკრეტა რამდენი რაკეტა გადაეცემა უკრაინას.
როგორც მედია წერს, მოსალოდნელია, რომ აღნიშნული საზენიტო რაკეტები კიევისთვის სხვა სახელმწიფოების მიერ მიწოდებულ საზენიტო დანადგარებში იქნება გამოყენებული.
თავდაცვის მინისტრმა ასევე უარი თქვა პასუხი გაეცა კითხვაზე, მომავალშიც თუ მიაწვდის მძიმე შეიარაღებას ნიდერლანდები უკრაინას.
“ჩვენ ყოველთვის უნდა ვუყუროთ რომელი ჰაუბიცების მიწოდება შეგვიძლია ახლა და რომლები გვჭირდება ახლა საკუთარი მზაობისთვისა და წვრთნებისთვის. ყოველთვის ბალანსს ვეძებთ”, – დასძინა ოლონგრენმა.
