ბოლო 3 წელში 30 მილიარდი ლარით გაიზარდა ჩვენი ქვეყნის ეკონომიკა-პრემიერი

მეორე კვარტალში პირდაპირი უცხოური ინვესტიციების 30-პროცენტიანი მატება გვაქვს, რამაც 505 მილიონი დოლარი შეადგინა. ჯამურად, პირველ ექვს თვეში ერთ მლრდ დოლარზე მეტი შემოვიდა, რაც 10 პროცენტით მეტია წინა წელთან შედარებით. 2019 წელს თუ შევადარებთ, 88 პროცენტით მეტია მოცულობა, – ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.

მისივე თქმით, ეს კიდევ ერთხელ მიუთითებს, რომ მთავრობის სწორი პოლიტიკის შედეგად საქართველოში პროგნოზირებადი გარემოა შექმნილი.

ირაკლი ღარიბაშვილმა აღნიშნა, რომ ქვეყნების მიხედვით, მეორე კვარტალში ყველაზე დიდი მოცულობის ინვესტიცია შემოვიდა გაერთიანებული სამეფოდან და ძირითადი ინვესტიცია ევროპიდან არის შემოსული.

„შარშან გვქონდა პირდაპირი უცხოური ინვესტიციების რეკორდული მაჩვენებელი. პირდაპირი უცხოური ინვესტიციები ისტორიულ მაქსიმუმზე იყო. ორ მილიარდ დოლარზე მეტი შემოვიდა შარშან. წელს ასევე ძალიან კარგად დავიწყეთ წელი. მეორე კვარტალში პირდაპირი უცხოური ინვესტიციების თითქმის 30-პროცენტიანი მატება გვაქვს, რამაც 505 მილიონი დოლარი შეადგინა. ჯამურად, პირველ ექვს თვეში, იანვარ-ივნისში, ერთ მილიარდ დოლარზე მეტი შემოვიდა პირდაპირი უცხოური ინვესტიციების სახით, რაც 10 პროცენტით მეტია წინა წელთან შედარებით. თუ ამას შევადარებთ 2019 წელს, 88 პროცენტით მეტია ეს მოცულობა. რა თქმა უნდა, ეს ძალიან გვახარებს, კიდევ ერთხელ მიუთითებს, რომ აქ პროგნოზირებადი გარემოა შექმნილი ჩვენი მთავრობის სწორი პოლიტიკის შედეგად. ინვესტორები დებენ ფულს საქართველოში. ენდობიან ამ გარემოს, რომელიც შექმნილია, ენდობიან სტაბილურობას, მდგრადობას და ზოგადად, პროგნოზირებადობას და ეს ძალიან სასიხარულოა“, – განაცხადა ირაკლი ღარიბაშვილმა.

2020 წელს მთელი ქვეყნის მშპ დაახლოებით 50 მილიარდი ლარი იყო, წელს 80 მილიარდ ლარამდეა, ბოლო სამ წელში, დაახლოებით 30 მილიარდი ლარით გაიზარდა ჩვენი ქვეყნის ეკონომიკა,-ამის შესახებ საქართველოს პრემიერ-მინისტრმა ირაკლი ღარიბაშვილმა მთავრობის სხდომაზე განაცხადა.
პრემიერ-მინისტრის თქმით, 2012 წელს მოქალაქეების დეპოზიტების საერთო მოცულობა 2 მილიარდ დოლარზე მეტი იყო და ამდენივე იყო ლარში, ახლა კი 23 მლრდ დოლარია, და 22 მილიარდია ლარში.

ირაკლი ღარიბაშვილმა აღნიშნა, რომ კომერციულ ბანკებში განთავსებული დეპოზიტების რაოდენობა გაათმაგებულია.

„ შედარებისთვის მინდა კიდევ ერთხელ მოვიყვანო, 2020 წელს მთელი ქვეყნის მშპ დაახლოებით 50 მილიარდი ლარი იყო. წელს -80 მილიარდ ლარამდეა. ანუ, ბოლო სამ წელში, დაახლოებით 30 მილიარდი ლარით გაიზარდა ჩვენი ქვეყნის ეკონომიკა. 1 სულ მოსახლეზე გადაანგარიშებით თითქმის 8000$ ზე გადის წლის ბოლოს. ეს რა თქმა უნდა, ძალიან დიდი ნახტომია. ამას სჭირდება შენარჩუნება, დაცვა და კიდევ უფრო მეტად გაძლიერება. მე ამას წინათ გავაკეთე ჩემს ერთ-ერთ ინტერვიუში კომენტარი და ვთქვი, რომ შედარებისთვის, 2012 წელს ჩვენი მოქალაქეების დეპოზიტების საერთო მოცულობა იყო თუ სწორედ მახსოვს 2 მილიარდ დოლარზე მეტი, დაახლოებით და ამდენივე ლარში. ახლა არის 23 მლრდ დოლარი, თუ არ ვცდები და 22 მილიარდი ლარში. გაათმაგებულია კომერციულ ბანკებში განთავსებული დეპოზიტების რაოდენობა. ხალხი მდიდრდება, ეს მაგას ნიშნავს, რომ ბიზნესი ვითარდება, ქვეყანა ვითარდება, იზრდება, ძლიერდება და რა თქმა უნდა, ეს არის ჩვენი სწორი პოლიტიკის შედეგი, რაც დაიწყო ბატონმა ივანიშვილმა და გაგრძელდა, ბოლო 10 წელია ამ კურსს და ტრენდს მივყვებით და ვინარჩუნებთ“,- განაცხადა ირაკლი ღარიბაშვილმა.