ჩეჩნეთის ხელმძღვანელი თანამდებობიდან გათავისუფლებას ითხოვს
ჩეჩნეთის ხელმძღვანელი რამზან კადიროვი თანამდებობიდან გათავისუფლებას ითხოვს. ამის შესახებ მან თავად ისაუბრა საინფორმაციო სააგენტოს Chechnya Today-სთვის მიცემულ კომენტარში.
ჩეჩნეთის მეთაური რამზან კადიროვი გამოეხმარა განახლებულ სპეკულაციებს გადადგომასთნ დაკავშირებით, საკუთარი ხელისუფლების კონტროლირებად გამოცემა Chechnya Today-ს უთხრა, რომ სმენია ამ „ჭორის“ შესახებ და განაცხადა, რომ თავადაც სურს გადადგომა.
ჩეჩნეთის რესპუბლიკის ხელმძღვანელი რამზან კადიროვი იმედს გამოთქვამს, რომ მის მოთხოვნას თანამდებობიდან გათავისუფლებასთან დაკავშირებით მხარს დაუჭერენ. რუსეთის ხელისუფლების მიერ მისი პოსტიდან მოსალოდნელი გათავისუფლების შესახებ გავრცელებულ ცნობებზე მან საინფორმაციო სააგენტოს “ჩეჩნეთის დღეს” ჟურნალისტთან ისაუბრა.
„მეც მსმენია ჭორები. ყველანაირ რაღაცას წერენ. მაგრამ, საერთოდაც, მე თავად ვითხოვ, რომ გამათავისუფლონ პოსტიდან. ვინმე სხვას ექნება თავისი ინიციატივები თავისი ხედვა. იმედია, ჩემი თხოვნა მხარდაჭერილი იქნება“, – უთხრა 6 მაისს კადიროვმა Chechnya Today-ს.
ჩეჩნეთის ხელმძღვანელმა არ დააკონკრეტა ვის სთხოვდა უფლებამოსილების შეჩერებას.
ჩეჩნეთის ლიდერმა რამზან კადიროვმა განაცხადა, რომ მისი გადადგომის შესახებ გადაწყვეტილება მხოლოდ რუსეთის პრეზიდენტ ვლადიმირ პუტინს შეუძლია მიიღოს.
„ბევრმა ვერ გაიგო ჩემი სიტყვების მნიშვნელობა გადადგომის შესახებ. მე არ ვწყვეტ, დავრჩები თუ არა ჩეჩნეთის რესპუბლიკის მეთაურის თანამდებობაზე. კი, შემიძლია ვკითხო ან შეთავაზო. მაგრამ როგორც არ უნდა ვთქვა, როგორც არ უნდა ვთხოვო, ასეთი გადაწყვეტილების მიღება მხოლოდ ერთ ადამიანს შეუძლია – ჩვენს უზენაეს მთავარსარდალს, რუსეთის პრეზიდენტს ვლადიმირ პუტინს“, – დაწერა მან Telegram-არხზე.
მანამდე მან ჟურნალისტებს განუცხადა, რომ გადადგომა სურს და იმედი გამოთქვა, რომ ამაში მხარდაჭერას მიიღებს.
„მეორე მხარეს საკუთარი ინიციატივები, საკუთარი ხედვა ექნება“, – დასძინა ჩეჩნეთის ლიდერმა.
რამზან კადიროვმა, ასევე ისაუბრა იმაზე, თუ რას აკეთებს, როდესაც ვინმეზე გაბრაზებულია. მისი თქმით, ამ საკითხთან დაკავშირებით გონივრული რჩევა ვლადიმირ პუტინმა მისცა.
“ვლადიმერ ვლადიმიროვიჩმა რჩევა მომცა: როდესაც ძალიან გაბრაზებული ხარ, ამ ფიქრით უნდა დაწვე დასაძინებლად. ბრაზი გაივლის და ყველაფერი კარგად იქნება. მე ასე ვაკეთებ და ყველაფერი მშვიდადაა.” – აღნიშნა კადიროვმა.
კადიროვმა ასეთი კომენტარი გააკეთა თავის სიტყვებზე, რომელიც ამჟამინდელი თანამდებობიდან გათავისუფლების თხოვნას ეხებოდა.
კადიროვმა ჩეჩნეთის მეთაურის პოსტი გადაიბარა 2007 წელს – მამის, ახმატ კადიროვის მკვლელობიდან 3 წლის შემდეგ. მას შემდეგ თანამდებობაზეა.
შარშან აპრილში „ნოვაია გაზეტამ“ გამოაქვეყნა ჟურნალისტური გამოძიება, რომლის თანახმადაც კადიროვს ჯანმრთელობის პრობლემები აქვს 2019 წლიდან და ამის გამო ფიქრობს „მემკვიდრის“ დატოვებაზე.
ეს არ არის პირველი შემთხვევა, როდესაც რამზან კადიროვს ჩეჩნეთის მეთაურის პოსტის ნებაყოფლობითი დატოვების სურვილის შესახებ აკეთებს განცხადებას.
მსგავსი განცხადებები მას გაკეთებული აქვს 2017, 2020 და 2022 წლებში – და არც ერთხელ ამ განცხადებებს მისი გადადგომა არ მოჰყოლია.
2025 წლის 31 მარტს კადიროვმა თავისი 17 წლის ვაჟი, ადამ კადიროვი ჩეჩნეთის პოლიციის ზედამხედველად, შინაგან საქმეთა სამინისტროს კურატორად დანიშნა.
უფროს, 19 წლის ვაჟს, ახმატ კადიროვს კი – რომელიც სპორტის მინისტრია – 20 აპრილს „გროზნოს საპატიო მოქალაქის“ წოდება მიანიჭა.
ჩეჩნეთის მმართველები სრულიად კადიროვის ოჯახის წევრებითა და ნათესავებით არის დაკომპლექტებული. Caucasian Knot-ის ცნობებით, 2018 წლის მონაცემებით, მაღალი რანგის პირთა თითქმის მესამედი მისი ნათესავია, 23% მისი მშობლიური სოფლიდანაა, დანარჩენი კი მისი მეგობრები არიან.
ამასთან, რუსული დამოუკიდებელი მედია იუწყება, რომ ვლადიმირ პუტინისა და რამზან კადიროვის ურთიერთობას ბზარი გაუჩნდა. გამოცემა „ვაჟნიე ისტორიის“ (“Важные истории”) ცნობით, ამის მიზეზი გახდა ჩეჩნეთის ლიდერის საიდუმლო მოლაპარაკებები არაბულ ქვეყნებთან, რომლებთანაც კადიროვი სავარაუდოდ განიხილავს თავისი ოჯახის უსაფრთხოებისა და აქტივების გადარჩენის გარანტიებს.
