ჩვენს აქციაზე დაახლოებით 5-ჯერ მეტი იყო გამოსული, ვიდრე ოპოზიციის აქციებზე-კობახიძე
ჩვენს აქციაზე დაახლოებით 5-ჯერ მეტი იყო გამოსული, ვიდრე ოპოზიციის აქციებზე. ეს არის ის თანაფარდობა, რაც არსებობს “ქართულ ოცნებასა” და კოლექტიურ “ნაცმოძრაობას” შორის , – ამის შესახებ პრემიერმა, ირაკლი კობახიძემ მთავრობის ადმინისტრაციაში გამართულ ბრიფინგზე განაცხადა.
მისივე თქმით, ჩვეულებრივი მოვლენაა, როდესაც ოპოზიციის მხარდამჭერები, ან მათ დღის წესრიგს მიმყოლი ადამიანები ქუჩაში გამოდიან.
ჩვეულებრივი მოვლენაა, როდესაც ოპოზიციის მხარდამჭერები, ან ოპოზიციის დღის წესრიგს მიმყოლი ადამიანები გამოდიან ქუჩაში, ეს არის პოლიტიკური უმცირესობის უფლება, მათ შეუძლიათ ამის გაკეთება, ეს არის დემოკრატიის შემადგენელი ნაწილი, მაგრამ გადაწყვეტილებებს დემოკრატიულ სისტემაში იღებს პოლიტიკური უმრავლესობა, – ამის შესახებ საქართველოს პრემიერ-მინისტრმა, ირაკლი კობახიძემ დღევანდელ პრესკონფერენციაზე განაცხადა.
როგორც პრემიერ-მინისტრმა აღნიშნა, საქართველოში არსებობს პოლიტიკური ოპოზიცია ეს არის დემოკრატიის ნაწილი და პოლიტიკურ ოპოზიციას ჰყავს საკუთარი მხარდამჭერები, ეს არის მთლიანობაში პოლიტიკური უმცირესობა.
„როდესაც პოლიტიკური ოპოზიცია თავის მხარდამჭერებს არწმუნებს, რაღაცაში და შემდეგ ისინი გამოდიან ქუჩაში, ეს არის აბსოლუტურად ნორმალური და ჯანსაღი მოვლენა, მაგრამ პოლიტიკური უმცირესობა ვერავითარ შემთხვევაში ვერ აიძულებს პოლიტიკურ უმრავლესობას, რომ მიიღოს ან არ მიიღოს ისეთი გადაწყვეტილება, რომელიც ემსახურება საქართველოს სახელმწიფო ინტერესების განმტკიცებას. ეს გადაწყვეტილებები მიიღება პოლიტიკური უმრავლესობის მიერ. რაც შეეხება რაოდენობას, ყველამ ნახეთ, რომ ჩვენს აქციაზე იყო დაახლოებით 5-ჯერ მეტი გამოსული, ვიდრე ოპოზიციის აქციაზე, ეს არის ის თანაფარდობა, რაც არსებობს მაგალითად, „ქართულ ოცნებასა” და კოლექტიურ „ნაცმოძრაობას” შორის. რაც არის თანაფარდობა, ის თანაფარდობა იხილა საზოგადოებამ აქციებზეც, რომლებიც გაიმართა ერთი უმრავლესობისა და მეორე პოლიტიკური უმცირესობის ორგანიზებით. აქედან გამომდინარე, რა თქმა უნდა, ჩვეულებრივი მოვლენაა, როდესაც ოპოზიციის მხარდამჭერები, ან ოპოზიციის დღის წესრიგს მიმყოლი ადამიანები გამოდიან ქუჩაში, ეს არის პოლიტიკური უმცირესობის უფლება, მათ შეუძლიათ ამის გაკეთება, ეს არის დემოკრატიის შემადგენელი ნაწილი, მაგრამ გადაწყვეტილებებს დემოკრატიულ სისტემაში იღებს პოლიტიკური უმრავლესობა.
როდესაც უშუალოდ კანონპროექტს მხარს უჭერს მოსახლეობის 60 პროცენტზე მეტი, გამჭვირვალობას მხარს უჭერს 80 პროცენტზე მეტი, უშუალოდ ამ კანონს მხარს უჭერს მოსახლეობის 60 პროცენტზე მეტი, ასეთ დროს პარლამენტი, რომელიც ამ ხალხის მიერ არის არჩეული, ვალდებულია, იმოქმედოს სწორედ უმრავლესობის რაციონალური ნების შესაბამისად და არა პოლიტიკური უმცირესობის ჩემი აზრია, ირაციონალური განწყობის მიხედვით. შესაბამისად, აქ ყველაფერი არის დღესავით ნათელი, დემოკრატიაა, დემოკრატიაში ყველას აქვს პროტესტის უფლება, მაგრამ გადაწყვეტილებები მიიღება იმ წესით, რომელიც არის დადგენილი დემოკრატიულ სისტემაში”, – განაცხადა პრემიერ-მინისტრმა.
გმირთა მოედანზე, სადაც აქციის მონაწილეებმა გზა გადაკეტეს, პოლიციამ მოქალაქეები ძალის გამოყენებით დააკავა.
პოლიციამ ყველა დაკავებულზე ფიზიკურად იძალადა. მათ დაახლოებით 10-მდე ადამიანი დააკავეს.
პოლიციამ ამ დროისთვის აქციის მონაწილეები გზის სავალი ნაწილიდან გადაიყვანა და მოძრაობა აღდგენილია.
სპეცრაზმელებმა და ნიღბიანი პოლიციელებმა პარლამენტის მიმდებარე ტერიტორია მთლიანად დაიკავეს. ისინი რუსთაველის გამზირზე ჩავიდნენ ჭიჭინაძის და ჩიტაძის ქუჩებიდან.
ისინი აქციის მონაწილეებისკენ მიემართებიან და როგორც მოქალაქეების, ისე მედიის წარმომადგენლების მისამართით აგრესიით გამოირჩევიან.
ქაშვეთის მიმდებარე ტერიტორიაზე იმყოფებიან დეტექტივების სამმართველოს წარმომადგენლებიც.
პარლამენტის უკან კი სპეცტექნიკაა განთავსებული.
“მონებო” – სკანდირებენ აქციის მონაწილეები.
