კრიმინალიმნიშვნელოვანირეგიონისაქართველოსიახლეები

რუსეთი იტალიისგან საქართველოს მოქალაქის გადაცემას ითხოვს

იტალიის სასამართლომ, ახმეტის მუნიციპალიტეტის სოფელ მატანში მცხოვრები, 42 წლის ბორის წიკლაურის რუსეთში ექსტრადირების საკითხი, 4 დეკემბერს უნდა განიხილოს.

სასამართლო საბოლოოდ გადაწყვეტს, დააკმაყოფილებს თუ არა, რუსეთის ფედერაციის მოთხოვნას, საქართველოს მოქალაქის გადაცემის შესახებ.

რუსეთის ფედერაცია ბორის წიკლაურს , 2001 წელს ჩადენილ დანაშაულს ედავება, რომლისთვისაც მან, რუსეთის ციხეში , სასჯელი უკვე მოიხადა.

სასჯელის მოხდის შემდეგ, მამაკაცი საქართველოში ცხოვრობდა და მხოლოდ, 2015 წელს, საქართველო- აზერბაიჯანის საზღვრის გადაკვეთის დროს შეიტყო, რომ რუსეთის ფედერაცია მას წითელი ცირკულარით ეძებდა.

წიკლაურის ოჯახი, მამაკაცის საქართველოსთვის გადაცემას ითხოვს. ოჯახის ნათესავის, ნათია მექუდიშვილის ინფორმაციით, სასამართლოს ყველა დოკუმენტაცია უკვე გაეგზავნა.

ყველა დოკუმენტი, რაც აუცილებელია მისი საქართველოში დასაბრუნებლად, იტალიაში უკვე გავგზავნეთ.

“ჩვენი აქტიურობისა და მედიის ჩარევის შემდეგ, იუსტიციის სამინისტრომ როგორც იქნა მოგვცა ჩვენთვის საჭირო დოკუმენტები. მასთან შეუშვეს ადვოკატიც და ექიმიც. ჩვენ ვფიქრობთ, რომ ყველა პირობა არსებობს, რომ ის რუსეთს არ გადასცენ და დააბრუნონ საქართველოში”- განაცხადა მექუდიშვილმა.

ბორის წიკლაურის საქართველოსთვის გადაცემის მოთხოვნით, მისი ოჯახის წევრებმა და ახლობლებმა, რამდეჯერმე საპროტესტო აქციაც ჩაატარეს და ხელისუფლებისგან, ბორის წიკლაურის შესახებ, დოკუმენტაციის გადაცემა მოითხოვეს.

რადიო ჰერეთი, წიკლაურის რუსეთში შესაძლო ექსტრადირების შესახებ, ექსკლუზიურად წერდა.

მსგავსი პოსტები

Back to top button