დასავლეთ უკრაინაში წყალდიდობას 3 ადამიანი ემსხვერპლა
![](https://heretifm.com/wp-content/uploads/2020/06/wyaldidoba-ukrainashi.jpg)
დასავლეთ უკრაინაში, ივანო-ფრანკოვსკის რეგიონში, ვერხოვინას რაიონში, წყალდიდობის შედეგად, სამი ადამიანი დაიღუპა. წყალდიდობის გამო, ამ ადგილამდე მისასვლელი გზები დაიტბორა.
წყალდიდობამ მოიცვა დასავლეთ უკრაინის რეგიონები: ივანო-ფრანკოვსკი, ჩერნივცი, ზაკარპატია და ლვოვი.
უკრაინის პრემიერ-მინისტრი დენის შმიგალი და შინაგან საქმეთა მინისტრი არსენ ავაკოვი ტრაგედიის ადგილას ჩავიდნენ.
ამჟამინდელი ინფორმაციით, 187 სოფელში, დაახლოებით, 5 000 სახლი დაიტბორა.
22 ივნისიდან, მას შემდეგ, რაც ძლიერი წვიმა დაიწყო, დაახლოებით, 800-მა ადამიანმა საცხოვრებელი სახლი დატოვა.
ქვეყნის შინაგან საქმეთა სამინისტროში აცხადებენ, რომ წლების განმავლობაში, ეს ერთ-ერთი ყველაზე ძლიერი წყალდიდობაა.
ადგილზე სამუშაოდ გაგზავნეს ერთი თვითმფრინავი, ოთხი ვერტმფრენი და 150 სამხედრო.
https://www.facebook.com/suspilne.karpaty/videos/865356417282840/