კრემლს “გაწვრთნილი სამხედრო ძალის” ჩამოყალიბების პრობლემები აქვს
CNN-ის ინფორმაციით, კრემლს “სამხედრო ძალასთან” პრობლემები აქვს, მაგრამ რუსეთში მობილიზაციის ახალი ტალღის დაწყების ეშინია.
“[რუსეთმა] აღიარა, რომ მას სჭირდება კიდევ 400 000 ჯარისკაცი და ეს ეხება არა მხოლოდ კონფლიქტს [უკრაინაში], არამედ ახალ ფორმირებებს, რომლებიც განლაგდებიან NATO-სა და ფინეთის ახალ საზღვარზე”, როგორ შეძლებენ ამას ეს ჯერჯერობით უცნობია”,- წერს CNN.
გამოცემა წერს, რომ აგრესორი არ ცდილობს მობილიზაციის მეორე ტალღის დაწყებას და უჭირს ხალხის მომზადება.
“გაუძლებს თუ არა მოსახლეობა მობილიზაციის მორიგ რაუნდს და ნამდვილად სურს თუ არა კრემლს, შეამოწმოს მოსახლეობის გამძლეობა ამის მიმართ, ჯერჯერობით გაურკვეველია. თუმცა, ის ფაქტი, რომ მათ ეს არ გააკეთეს, მიუთითებს იმაზე, რომ ისინი შეშფოთებული არიან ამასთან დაკავშირებით”, – აღნიშნავს CNN.
ოფიციალურმა პირებმა CNN-ს უთხრეს, რომ რუსეთმა გაზარდა გაწვევის ხანგრძლივობა და გააფართოვა ასაკობრივი ზღვარი, თუმცა მათ არ დაუწყიათ ძალისხმევა მობილიზაციის მეორე ტალღისთვის.
“შეუძლია თუ არა მოსახლეობას მობილიზაციის მორიგი ტალღის დაწყება და სურს თუ არა კრემლს შეამოწმოს მოსახლეობის მდგრადობა ამ საკითხის მიმართ, ამ დროისთვის გაურკვეველია, თუმცა ის ფაქტი, რომ მათ ეს ჯერ არ გაუკეთებიათ, იმაზე მიუთითებს, რომ მათ გარკვეული შიშები აქვთ”, – აღნიშნა წყარომ გამოცემასთან.
რუსეთის პრეზიდენტმა, ვლადიმერ პუტინმა 21 სექტემბერს რუსეთში ნაწილობრივი სამხედრო მობილიზაცია გამოაცხადა და აღნიშნული ქმედება “რუსეთის სუვერენიტეტის დასაცავად აუცილებელ ნაბიჯად” მოიხსენია.
28 ოქტომბერს, რუსეთის თავდაცვის მინისტრმა, სერგეი შოიგუმ განაცხადა, რომ რუსეთში ნაწილობრივი სამხედრო მობილიზაცია დასრულდა. როგორც შოიგუმ აღნიშნა, სულ 300 000 კაცის მობილიზაცია მოხდა, რომელთა საშუალო ასაკი 35 წელია.
