რა ვითარებაა ამალი-დევდორაკის ხეობაში
ამალი-დევდორაკის ხეობიდან მოქალქეების ევაკუაცია დასრულებეულია. სტიქიის ზონა ისევ ჩაკეტილია.
ხელისუფლება დარიალის ხეობაში გზის აღდგენას 2 კვირის განმავლობაში ვარაუდობს. ახლა სტიქიის სალიკვიდაციო სამუშაობი უნდა დაიწყოს.დევდორაკის მყინვარის ძირში, დაახლოებით ერთი კილომეტრის ტერიტორიაზე გზა ადიდებულმა თერგმა წაიღო.
სტქიის ზონაში მუშაობენ გეოლოგები, ადგილზე იმყოფებოდნენ მთავრობის წევრები.
გარემოს დაცვის მინისტრის გიგლა აგულაშვილის ინფორმაციით, დევდორაკის ხეობაში ამ დროისთვის დამატებითი რისკების საფრთხე აღარ არსებობს.
„დროულად შეაფასეს იქ არსებული ვითარება. შედეგად მათ შეტყობინება გაუგზავნეს ყველა უწყებას და ასევე ოპერატიულად მოხდა რეაგირება. ჩაიკეტა სატრანპორტო მაგისტრალი. ახლა შეიძლება ითქვას, რომ ღვარცოფული მასა წარმოქმნა ხეობაში ორი წლის წინ არსებულმა ნაშალმა მასამ. მასის ნაწილი გადმოვიდა გზის სავალ ნაწილზე. როგორც სპეციალისტები აფასებენ, სიტაციის დასტაბილურების შემდეგ ათი დღე მაინც დასჭირდება, რომ მოძრაობა აღდგეს და გზის რეაბილიტაცია მოხდეს”, – განაცხადა გიგლა აგულაშვილმა.
მისივე თქმით, ზარალი პრაქტიკულად მინიმალიზებულია. “ჩვენმა თანამშრომლებმა კიდევ ერთხელ შეისწავლეს ვერტმფრენით ხეობა. ამ ეტაპისათვის შეიძლება ითქვას, რომ დამატებითი რისკების საფრთხე მაღალი არაა. ვაგრძელებთ მონიტორინგს და საჭიროების შემთხვევაში მივიღებთ დამატებით ზომებს“, – აღნიშნა მინისტრმა.
