მნიშვნელოვანისაქართველოსიახლეები
დღეიდან საქართველოში შეზღუდვების ნაწილი კიდევ მოიხსნა
დღეიდან, პირველი მარტიდან საქართველოში პანდემიის გამო დაწესებული შეზღუდვების კიდევ ერთი ნაწილი მოიხსნა.
დღეიდან მუშაობა განაახლეს
• საბავშვო და კერძო ბაღებმა (2 კვირაში ერთხელ თანამშრომლების 20%-ის სავალდებულო ტესტირების პირობით);
• მუზეუმებმა და ბიბლიოთეკებმა;
• ქალაქ ბათუმში რესტორნების შიდა სივრცეებმა;
განახლდა ასევე
• უმაღლესი და პროფესიული სასწავლებლების პრაქტიკული და ლაბორატორიული საქმიანობა;
• გამოცდების არადისტანციურ ფორმატში ჩატარება;
• კონფერენციები და ტრენინგები შესაბამისი პროტოკოლის დაცვით.
25 თებერვლიდან ქვეყანაში აღდგა საქალაქთაშორისო მიმოსვლა, გაიხსნა სასტუმროები სამთო კურორტებზე. უქმე დღეებში მუშაობა განაახლა მუნიციპალურმა ტრანსპორტმა.
კვლავ ძალაში რჩება კომენდანტის საათი.
