ზუგდიდის მუნიციპალიტეტის საკრებულოს სხდომა გადაიდო

ზუგდიდის მუნიციპალიტეტის საკრებულოს სხდომა, რომელმაც დღეს თავმჯდომარე უნდა აირჩიოს, 1 საათით გადაიდო.

სხდომის დაწყებამდე, რეგისტრაცია გაიარა მხოლოდ 19-მა დეპუტატმა, რაც კვორუმისთვის საკმარისი არ არის.

სხდომის გადადების შესახებ განცხადება საკრებულოს უხუცესმა წევრმა კონსტანტინე უბერმა გააკეთა. მისი განცხადებით, რეგლამენტი ითვალისწინებს, კვორუმის არარსებობის შემთხვევაში სხდომის 1 საათით გადადებას.

დარბაზში არ იმყიფება “ნაციონალური მოძრაობის” არცერთი წევრი, პარტია “საქართველოსთვის” 2 დეპუტატი ესწრება, “ქართული ოცნებიდან” კი 3 წევრი არ იმყოფება დარბაზში.

საკრებულოს სხდომა მანამდე 3 ჯერ გადაიდო. გასული სხდომა ენმ-მ დატოვა. ქვორუმი იყო, თუმცა მმართველმა პარტიამ თქვა, რომ არ დააყენებდნენ წარმომადგენლობითი ორგანოს თავმჯდომარის კანდიდატურას.

ზუგდიდის საკრებულოში 22 მანდატი “ერთიანი ნაციონალური მოძრაობას” აქვს, 20- “ქართული ოცნებას”, ხოლო 3-ით “საქართველოსთვის” შევიდა.

ზუგდიდის შემდეგ,სენაკის საკრებულოს სხდომა ქვირუმის არარსებობის გამო გადაიდო.

საკრებულოს სხომათა დარბაზში “ქართული ოცნების” არცერთი წევრი არ გამოცხადდა.

შეგახსენებთ, რომ სენაკის საკრებულოს 33 წევრი ჰყავს, აქედან 16 “ქართული ოცნებიდან”, 13 _ “ნაციონალური მოძრაობიდან” და 4 წევრი -პარტია “საქართველოსთვის”, თუმცა, ამ პარტიიდან ერთმა უარი თქვა საკრებულოს წევრობაზე.