მნიშვნელოვანიმსოფლიოსიახლეები

საქართველოს უახლოეს მომავალში ნატოს გენერალური მდივანი ეწვევა

ნატოს გენერალური მდივანი იენს სტოლტენბერგი კავკკასიის სამ ქვეყანას ეწვევა უახლოეს დღეებში, მედიის ინფორმაციით სტოლტენბერგი ვიზიტს თბილისიდან იწყებს ის აზერბაიჯანსა და სომხეთსაც ესტუმრება.
ვიზიტის შესახებ განცხადება იენს სტოლტენბერგმა დღეს გამართულ პრესკონფერენციაზე გააკეთა. მისი თქმით, საქართველო ნატოს ფასეული პარტნიორია და ყველა ქვეყანას თავისი გზის არჩევა შეუძლია.

გარდა ამისა იენს სტოლტენბერგმა ყურადღება რეფორმების მნიშვნელობაზე კიდევ ერთხელ გაამახვილა.
“მჭიდროდ ვთანამშრომლობთ ჩვენს სხვა პარტნიორებთან, მათ შორის საქართველოსთან. ნატო ეხმარება საქართველოს სანაპირო დაცვის მომზადებასა და განვითარებაში. ნატოს სამი სახელმწიფო შავი ზღვის გარშემო, შემდეგ უკრაინა და საქართველო, როგორც ახლო პარტნიორები ძლიერად არის წარმოდგენილი შავ ზღვაში. შავ ზღვას დიდი სტრატეგიული მნიშვნელობა აქვს. საქართველო ნატოს ღირებული პარტნიორია. ჩვენ მტკიცედ გვჯერა, რომ საქართველოს აქვს უფლება, ისევე როგორც ყველა სხვა ევროპულ ქვეყანასა, აირჩიოს საკუთარი გზა.

საქართველოში არაერთხელ ვიყავი. უახლოეს მომავალში კიდევ ერთხელ ვეწვევი საქართველოს, რათა კიდევ უფრო გავაძლიერო ჩვენი პარტნიორობა და გავარკვიო, როგორ შეგვიძლია მჭიდროდ ვითანამშრომლოთ. ჩემი გზავნილი საქართველოსთვის არის, რა თქმა უნდა, რომ რეფორმები მნიშვნელოვანია და რომ ნატო ეფუძნება ძირითად ღირებულებებს, დემოკრატიას, კანონის უზენაესობას. რა თქმა უნდა, მნიშვნელოვანია, რომ საქართველომ შეასრულოს ეს სტანდარტები შემდგომი ევროატლანტიკური ინტეგრაციისკენ.” – აცხადებს იენს სტოლტენბერგი.

ნატოს გენერალური მდივანი საქართველოს პრემიერ-მინისტრს ირაკლი კობახიძეს ბრიუსელში მისი, როგორც მთავრობის მეთაურის რანგში პირველი ვიზიტის ფარგლებში 21 თებერვალს შეხვდა. ერთობლივ პრესკონფერენციაზე მაშინ სტოლტენბერგმა თქვა, რომ მათი “სურვილია საქართველოს სწორი მიმართულებით მოძრაობდეს. მეტი დემოკრატიისკენ და კეთილდღეობისკენ, ევროატლანტიკურ ოჯახში სრულფასოვანი წევრობისათვის” და დასძინა, რომ ნატო თქვენთან ერთად დგომას განაგრძობს ამ მისწრაფებების შესრულების პროცესში”.

მსგავსი პოსტები

Back to top button