მნიშვნელოვანი

გურჯაანის მუნიციპალიტეტში სტიქიით მიყენებულ ზარალს ითვლიან

სტიქიით მიყენებულ ზარალს ითვლიან გურჯაანის მუნიციპალიტეტში. გუშინდელმა წვიმამ და სეტყვამ, რომელიც თითქმის 20 წუთს გრძელდებოდა, გურჯაანში და სოფელ ჩუმლაყში, ვენახების ერთი ნაწილი, ატმისა და ხეხილის ბაღები დააზიანა.

დაიტბორა ქალაქის ცენტრალური მაგისტრალიც.

ადგილობრივი მოსახლეობა მოსავლის გადასარჩენად, შესაწამლი პრეპარატებით დახმარების მოლოდინშია. მათ ნაწილს მოსავალი დაზღვეული არ აქვს.

გურჯაანის მუნიციპალიტეტის მერიაში განმარტავენ, რომ ზიანის ზუსტი ოდენობა ჯერ საბოლოოდ დადგენილი არ არის. მუნიციპალური ტექნიკა, სტიქიით მიყებული ინფრასტრუქტურული ზიანის გამოსწორებას ახორციელებს.

წვიმა და სეტყვა იყო ქალაქ დედოფლისწყაროშიც, სადაც საკარმიდამო ნაკვეთებია დაზიანებული.

მსგავსი პოსტები

Back to top button