“ეპიდსიტუაციის გაუარესება შეიძლება უფრო ადრე მივიღოთ” -ალექსანდრე გოგინავა

აგვისტოში შესაძლოა „ინდური შტამით“ დაინფიცირების მაჩვენებელი გაზარდოს, რაც ზღვის სეზონით იქნება განპირპბებული. ამის შესახებ ინფექციური პათოლოგიისა და შიდსის ცენტრის ინფექციონისტი ალექსანდრე გოგინავა საუბრობს.

“რთული სათქმელია ზუსტად როდის იქნება მეოთხე ტალღა, მაგრამ, თუ ჩვენთან რეკომენდაციები არ იქნება დაცული, რა თქმა უნდა, ჩვენ შეიძლება ეპიდსიტუაციის გაუარესება მივიღოთ ბევრად უფრო ადრე, ვიდრე ეს მოსალოდნელი იყო, ანუ მივიღოთ აგვისტოს პერიოდში,” – ამბობს ალექსანდრე გოგინავა.

ბოლო მონაცემებით, ქვეყანაში, ბოლო 24 საათში – 1400-მდე პირი დაინფიცირდა, გარდაიცვალა 11 კოვიდ-პაციენტი.